LUKE 19:42 - Kathara Bible (BSI)

⁴² “Chingri kahai hi kachiwui eina kharākhala da nathumna aja theisāsi kaja jong! Kha ara chila nathumwui eina thumihaira,

LUKE 19:42 Iomraidhean Croise

LAA 32:6

Chiwui vang shitkasanga mi kachiva̱na nali seihā sāranu; kakhanang atamli, tara̱ kaphong atamli athumna ali marāza̱rarmara.

LAA 81:13

Iyavo, iwui mibingna iwui kahāng nganāsasi kaje, Israelna iwui apongli zatsāsi kaje!

ISAIAH 44:18

Athumna matheimana, theikhavai kaphāla maphāmana; kaja mathei khavai ana athumwui mik sāphinmihaowa, kala bhap tākhui khavai ning shungmihaowa.

ISAIAH 48:18

Iyavo, nathumna iwui ningkhamibing chi nganākhuihaisāsi kaja! Nathumwui chingri kahai chi kong thāhairara. kala nathumwui khamashung shamadru khangaphao thahairara;

ISAIAH 55:6

Samphangpailakha Proholi phālu, nganailakha ali ngakaolu;

JEREMIAH 13:17

Kha nathumna manganāsangakha, nathumwui lāngsotwui vang imanglāna ngathumda chapra; imikna chapchapta chara̱ pemda longtāra. Khikhalajila Prohowui yaoshang tukthuihaowa.

EZEKIEL 33:11

Athumli hānglu: Vare Proho ina kachangkhat eina kahāngna, kaja, makhayā mi kathiwui vang iwui ringkaphā maleimana; kha makhayā mi china makhayā otsakwui eina latungda ringsi kaja chāng; latunglu, nawui makaphāwui eina latunglu; kaja khisathuda na thirakhala, O Israelnaobing?”

LUKE 19:41

Ana vānganaimeida keinung chi akathei tharan keinung chiwui vang khanangda chaplaga hānga,

LUKE 19:43

kaja nathumwuitungli ka̱lākashi atam chi rārāsāra, chitharan nathumwui yangkashebingna raipan sālaga rākuinamhaora kala achithek kachiva̱wui eina muirāra.

LUKE 19:44

Athumna nathumli kala ngaveilungli leikasā naongarā saikora shimān ngasakra; lunggui akhawuitungli lunggui akhala maleiluimara, kachiwui vangkhala kaja Varena nali huikida kharā atam nana matheimana.”

OTSAK 10:36

Saikorawui Proho Jishu Khristawui mangā eina chingri kahaiwui paokaphā hāngchitheida Varena Israelnaobingli chānpao chihokharā nathumna thei.

OTSAK 13:46

Kha Paul eina Barnabasna pingmeida hānga, “Rimeikapta Varewui tui hi nathumli hāngchitheiphalungki kajina. Kha nathumna katang makhavai mirin masamphangngaimada khalan kahaiwui vang, nathumli haiphungda ithum Gentilebingli vāhaora.

KHALATLUI 32:29

Athumna thangmeisāsi kaja, athumna hi bhap tāra, anaolamshong katharakhala kaji theira!

KHALATLUI 5:29

Athumwui ning hithachingda ili khangachee eina ningkhami mayonsersi kaja athumwui vangla, ara̱-azāwui vangla, kayākha phāra̱khala!

HEBREWNAO 3:13

Moreina nathum khipālikha chipatta ning mamakang ngasak khavai “Aja” kaho hi leilakha nathum akha eina akha kasatkasang eina ngasoda thangkachida machin ngaroklu.

HEBREWNAO 3:15

Kathara lairikli hithada hānghaida lei, “Aja nathumna Varewui akhon shaakha; achālakha nawo-nayingarāna ngakaikashi thada, ning mamakanghaialu.”

HEBREWNAO 3:7

Chieina Manglā Katharana kahāng thada, “Aja nathumna Varewui akhon shaakha,