LUKE 19:29 - Kathara Bible (BSI)

²⁹ Ana Olive kaphungli khalei Bethphage eina Bethanyli vāshungnanai tharan awui sākhangatha̱ khanili chihovāda hānga,

LUKE 19:29 Iomraidhean Croise

ZECHARIAH 14:4

Chithanghon awui phei Jerusalemwui mangāli zingshoshong khalei Olive Kaphungli nganingra; kala Olive Kaphung chi khani sāda zingsho eina zingtun ngachaili tampāk kahakva akhana ngakaipakhaora; chieina Phungrei chiwui tangkhai atungshong ngakhunshanghaora, kala tangkhai azingshong ngakhuntāhaora.

MATTHEW 21:17

Jishuna athumli chihohailaga keinung chiwui eina shokta Bethanyli apisanga.

LUKE 19:30

“Mangāshong khalei kha̱ chili vālu kala nanina chili kazang eina mina matonglakrang kaji gadhānao akha hokhaisāra; chi akhalākhuilaga hili khuiunglu.

LUKE 19:37

Ana Jerusalem vāshungnanai Olive kaphungwui atun katā vākashung chitharan athi shurkazata mi saikorana ringphākhaihaowa kala athumli hakkhamahā ot kachungkha theikhangasakwui vang panglāk eina vaoda Vareli masot chikatta hānga,

LUKE 21:37

Thangkachida Jishuna ngashun khorumshimli tamchithei, kha ngayā kachida ana Olive phungreili vathuihaowa.

LUKE 22:39

Jishuna keinungwui eina shokta ana khangachā eina khavāpam Olive kaphungli vai, kala awui sākhangatha̱bingna athi shurvai.

LUKE 24:50

Chiwui thili keinung eina thānshoklaga athumli Bethany eina tangda thānvai kala apāng khangkāda athumli somi.

OTSAK 1:12

Chiwui thili athumna Jerusalemwui ngalemli khalei, kilometer akha sha̱kha katā, Olive phungreiwui eina Jerusalemli latunga.