LUKE 18:7 - Kathara Bible (BSI)

⁷ Chithākha ngashun ngayā mateila ngachonmi khavai chapta kapo awui kapangkhui kahai miyurli Varena mashun bichar masāmimaralā; ana ngarainganaoralā?

LUKE 18:7 Iomraidhean Croise

LAA 88:1

O Proho, iwui Vare, ngachonmi khavai ngashunshong ina ngakaowa, nawui mangāli ina ngayāla ngakaowa.

LAA 9:8

kala ana apuk-apagva̱̱li khamashung-khangarong eina bichar sāmi, yurbingli ngaraichā eina bichar sāmi.

SHONGZĀ 22:23

nathumna athumli chotngasakta ili athumna ngakaoakha ina athumwui khangakao chi shāmilakra;

ISAIAH 40:27

Khisāda hāngkhala, O Jacob, kala matuikhala, O Israel, “Prohowui eina iwui shongfa saphinhaira, kala iwui mashun iwui Varena matheimithura kajila?”

HABAKKUK 2:3

Arui eina tangda mahākhami chiwui atam ngaraichingdalei; atam chi thākta rāra—makapikmara. makahatlakla rāra, mahuinganong mara.

MATTHEW 24:22

Kala zimikshobing chi masha̱sang ngasakakha, mikumo akhala mahuikhuimara; kha kapangkhui kahai mibingwui vang eina zimikshobing chi sha̱sang ngasakra.

MATTHEW 24:24

Kaja minama Khrista kala minama marānbing shokta, shapakha kapangkhui kahaibingli eina tangda thānngui khavai khudamla kala matakhak kahai otsakla kachungkha chitheira.

MATTHEW 7:11

Nathum maphāsālala nathumwui naongarāli khamathā ot mitheiakha, kazingramli khaleia nathumwui Avāna ali kapobingli kayākha mataimeida mirakhala?

LUKE 11:13

Maphasālala nana naongarāli khamathā ot mitheiakha, kazingramli khalei Avāva̱na ali kapobingli kayākha mataida Manglā Kathara mirakhala?”

LUKE 2:37

kala kum hangchishata mati kakā eina tangda ra̱meipama. Ana ngashun ngayā mateila kakhumla khum, seihāla sāda Vareli khorumlaga khorumshimwui eina mathuilakmana.

LUKE 21:28

Chieina otshotbing hi shokkaphok tharan nathumwui kui khāngkāda yanglu, khikhalajila nathumwui ngatangkhami atam chi nganailakhaira.”

ROMNAO 8:33

Varena kapang kahaibingli khipāna khayon mirakhala? Athumli Varena mashungmi kahaina.

COLOSSIANAO 3:12

Nathum Varewui mina, ana nathumli leishiya kala awui mi sākhavai kapangkhui. Chiwui vang eina nathum khalatta lumashankathei, ningaikashi, khangahui, malungkhanim kala ja̱khami hi kachon khangavai thada ngavailu.

1 THESSALONICANAO 3:10

Ithum mai eina mai thei ngarok khavai kala nathumwui shitkasangli vātta khalei chili chipemmi khavai ngashun ngayā thuklak eina seihā sāda lei.

2 THESSALONICANAO 1:6

Varena phāvaira kaji chi ana sāra, nathumli kachotkachāng khamibingli, ana kachotkachāng mira,

1 TIMOTHY 5:5

Kachangkhat ra̱meipamda amāng eina khaleiva̱ chiya, awui kachihān Varewuili shāphaida ngashun ngayā seihā sāda kapo mathāhailakmana.

2 TIMOTHY 1:3

Ishawo-ishayi ngarāwui thada mashun-makhui tharlak kahai eina ina Vareli otram khangatha̱wui vang ali ningshi. Kala ngashun ngayā mateila seihā kasā kachiva̱li nali phaningungda ningshi.

2 TIMOTHY 2:10

Chiwui vang eina kapangkhui kahaibingna katang makhavai tekhamatei eina ngasoda Khrista Jishuwuili huikhami chi samphangpai khavai ina ot saikorali kakhāngna.

TITUS 1:1

Varewui rao kala Jishu Khristawui paokazata Paul, ithumwui dharmarinna khamashung tamchithei kahai chili thānmi khavai kala Varena kapangkhui kahai miyurwui shitkasangli ngachonmi khavai ili kapangkhuida kachihona.

1 PETER 1:1

Pontus, Galatia, Cappadocia, Asia kala Bithyniali ngapha̱yang eina kashamvā kahaibingli paokazata Peterna,

2 PETER 3:9

Prohona ngashit kahai chi aruila maungshung ngasakmana da kaikhana phaninga, kha mi khipālikha mashimān ngasakkhangaiwui vang ana nathumli ngaraikhamina, kaja mi saikorali athumwui moreiwui eina ningngateikhui ngasakngai.

PHONGKHAMI 18:20

Awui kashimānwui vang mathānlu, He Kazingram! Mathānlu, He katharabing, paokazatbing, marānbing! Nathumwui vang Varena ali mashun bichar sāmihaira!

PHONGKHAMI 6:10

Athumna panglāk eina vaowa: “O Proho, kathara, khamashunga, okathuili khalei mibingna ithumli shaokathatwui bichar kala tandi miki kaji atam chi leifala?”

PHONGKHAMI 7:15

Chiwui vang eina athumna Varewui wungpamkhong ngalemli nganingda ngashun ngayā awui shimli otram khangatha̱na; kala wungpamkhongli kapama china awui ngasokhami china athumli khayinmira.