LUKE 18:39 - Kathara Bible (BSI)

³⁹ Awui ngalemli khanganinga mi kaikhana kasainakha pamlu da kahara, kha ana juimei pangmeida “Davidwui Naomayara, ili khalumashanmilu” da vaolui.

LUKE 18:39 Iomraidhean Croise

LAA 141:1

O Proho, nali ina holi, ili thākta rāmilu! Ina nali khangakao tharan nāshungmilu!

MATTHEW 7:7

“Polu, nali mira; phālu, nana samphangra; shaolu, nali shomira.

MATTHEW 8:26

Ana athumli hānga, “Khisāda nathum ngacheehaokhala? He shitkasang makhalei mibing!” Chiwui thili ana ngakarthuida masi eina shamadru chili chingrihai kharara, chieina va̱rihaowa.

MATTHEW 9:27

Jishuna apam chiwui eina thuihaowa kala mik khangapeo mi khanina ali shurrāda panglāk eina “Davidwui Naomayara, inili khalumashanmilu” da vaouwa.

LUKE 11:52

“Ain kathembing, nathum kakhanang ringkashi ngasāranu! kaja nathumna theishingkakhui aworwui sho khuithuihaida, nathum khalattala kazangla mazang kala zangkida khaleibinglila haphaowa.”

LUKE 18:1

Jishuna athumli atam kachida seihā sāching khavai kala ning masuitā khavai chānjam akha hāngchithei.

LUKE 18:15

Kachikathā mi kaikhana Jishuwui ngalemli angangnaobingli ana pāng parrormi khavai khuirai; kala chi sākhangatha̱bingna kathei tharan athumli khararra.

LUKE 18:38

Chieina ana, “Davidwui naomayara Jishu, ili khalumashanmilu.” da vaowa.

LUKE 18:40

Chieina Jishuna ngasāmda khangapeowa chi awuili khuirā khavai kasoi, kala ana rākhanganai tharan ali ngahānna,

LUKE 19:39

Chieina yaruili zatrumkasā Pharisee kaikhana Jishuli hānga, “Ojā, nawui sākhangatha̱bingli hāngmachinlu!”

LUKE 8:49

Ana matuimahungda leilakha, khamungawui shim eina kharā mi akhana rāhānga, “Nanao ngalāva̱ thihaira, Ojālila masheikhautluialu”.

2 CORINTHNAO 12:8

Khuishokmi khavai ina Proholi poda kathumshihaira.