LUKE 18:19 - Kathara Bible (BSI)

¹⁹ Jishuna ngahānkai, “Ili khisāda kaphā hokhala? Vare maningla kaphā khipākha maleimana.

LUKE 18:19 Iomraidhean Croise

JOBWUI LAIRIK 14:4

Makatharwui eina khipāna kathara ot khuishokshapra? Akhala maleimana.

JOBWUI LAIRIK 25:4

Chithākha Varewui mangāli mina kathāda mashungpaira? Sha̱naona kapharā mi chi kathāda tharpaira?

LUKE 1:35

Kala kazingrao china ali hānga, “Manglā Katharana nawuitungli tāra, kala juikhamataiawui pangshap china nali rakhayinmira; chiwui vang eina pharāki kaje nao chili kathara Varewui Naomayara hora.

LUKE 11:13

Maphasālala nana naongarāli khamathā ot mitheiakha, kazingramli khalei Avāva̱na ali kapobingli kayākha mataida Manglā Kathara mirakhala?”

LUKE 18:18

Chiwui thili Jihudiwui kathāna akhana Jishuli rāngahāna, “Kaphā Ojā, makashimān kharing samphang khavai ina khi sārakhala.”

LUKE 18:20

Ningkhami chi nana thei: ‘maphophāpaimana, mashaothatpaimana, maleepaimana, minama shākhi mamipaimana, nava̱ navāli khayāshilu.’”

1 TIMOTHY 3:16

Ithumwui dharmawui ngathum kahai hakhamahā chi khipānakha maningmana majirarmara: A mikumowui phasā kāda rai, hi Manglāna mashunga da chithei, kala kazingraobingna thei. Awui pongli miyur saikorali hāshoka, okathui peidana shitsanga, kala tekhamatei eina khuikāhaowa.

HEBREWNAO 7:26

Chiwui vang eina ithumwui ningkachāng ungshung khavai pāngmon kharei chi Jishuna. A Katharana; ali khayon kala morei maleimana; morei kaphungbingwui eina ngateimihaida kazingramli chuimeida khuikāhaira.

JAMES 1:17

Kaphā lemmet kala thada khami saikora hi atungshongwui eina katāsera. Hi aka̱lā thada ngacheiung ngachei khavā makhalei kazingramwui kahor Avāva̱wui eina kharāna.