LUKE 17:29 - Kathara Bible (BSI)

²⁹ Kha Lotna Sodomwui eina shokthanghon kazingramwui eina meiwon eina raichiri rotāda athum saikorali shimān ngasaka.

LUKE 17:29 Iomraidhean Croise

ISAIAH 1:9

Ashangva̱wui Prohona ithum khani kathumli mataimihaisāsi kaja, Sodom kathā kala Gomorrah kathā ngasāhairara.

ISAIAH 13:19

Kala wungrambingwui tekhamatei, Chaldeanaobingwui maiyā khavai Babylon chi, Sodom eina Gomorrah thāhaora Varena khayui tharan.

JEREMIAH 50:40

Sodom eina Gomorrahli kala chiwui khongnaiwui keinungbing Varena shimān khangasak thāda, apam chili mi akhanida maokthuiluimara, miwui naomayara akhanala mayaorāluimara da Prohona hānga.

HOSEA 11:8

Kathāda ina nali chihohaipaira, O Ephraim! kathāda ina nali kateili horsangmipaira, O Israel! Kathāda ina nali Admah thāngasakpaira! Kathāda ina nali Zeboiimli kasā thāda sāpaira! Iningna chi mamayāmana, iwui lukhamashan mataisangmān kala nimamāna.

AMOS 4:11

“Varena Sodom eina Gomorrahli shimān khangasak thāda, nathum kaikhalila ina shimān ngasaka, nathumli meira̱ sutmi kahai thādala sāyanga, chithālala nathum ili malatungmana,” da Prohona hānga.

ZEPHANIAH 2:9

Chiwui vang Moab eina Ammonnaobing Sodom eina Gomarrah thāhaora, akhar mashokkapai ka̱shātmāng kaji kala machi kotkhavai, makānkhanā lam ngasāchanghaora, iwui shāk kahai mibingna athumli ngaponra, kala iwui yurwui thishāk kahaibingna chili pānra,” da saikorawui Proho, Israelwui Vare ina kahāngna.

LUKE 17:28

Lotwui atamlila chi tākam eina sāsai—athumna phāshak phāzai, khalola loi, khayorla yora, luila vai, shimla sai,

LUKE 17:30

miwui Naomayarali phongmithanghon chi tākam eina shokra.

2 PETER 2:6

Varena Sodom eina Gomorrah keinung khani chili malungkhavāt thada mei eina shimān khangasak hi Vareli makachapbingli naoda khi shokrakhala da theikhuikhavai saakha,

JUDE 1:7

Sodom eina Gomorrah kala chiwui luinganaili khaleibing athumna chikathā kazingraobingwui thada kasā, khamathang-khamarang kala makaphā-makhayā otmāng kasāwui vang makhamit meiwui tandi samphangra da saikorali theikhangasak hi phaningunglu.

PHONGKHAMI 11:8

Kala aniwui angun chi athumwui Proholi shaothat khavai apam, kahaka keinung chiwui chānreili haira. Khudam eina kaho keinung chili Sodom eina Egypt hoi.

PHONGKHAMI 14:10

Varewui malungkhavātwui drakhāra̱ mangra, khikha mamanātlakla malungkhavātwui tengkotli mangra. Athumli kathara kazingraobing eina Yaonao chiwui mangāli mei kala meiri eina rekharekra.

PHONGKHAMI 19:20

Sāyur chili kala ali ngasoda minama marān, awui mangāli matakhak kahai ot sāda sāyur chiwui mahor namkahai kala awui ama̱li khokharumbingli minamkakhuiya chili tuknarhaowa. Ani khanili meiri eina chuida khalei meiwui ngayili kharing eina horsanghaowa.