LUKE 17:26 - Kathara Bible (BSI)

²⁶ Noahwui atamli kashok thada miwui Naomayarawui atamlila shokra.

LUKE 17:26 Iomraidhean Croise

HAOKAPHOK 6:5

Okathui alungli mikumowui makaphā sorngasai kahai kala makaphāmāng chukkhamaja katang makhavai chi Prohona thei.

HAOKAPHOK 6:7

Chieina Prohona hānga, “Ngalei eina sākakhui mi hili okathuili malei khavai mila, sāyurla, phara̱-pharāla kala kazingli yongkazat vānaobingla ina shimān ngasakserhaora, kaja athumli sākahai hi I wukkhananghaira.”

HAOKAPHOK 6:8

Kha Prohowui mangāli Noahva ngahānkhangai mi ngasāsai.

ISAIAH 22:13

kala yanglu ringkaphā eina khamathān, mukkā kala yao taikathat, sā kashai eina zam khamang: “Zāsa, mangsa, kaja akhama ithum thihaora” da kasā atam rāra.

LUKE 17:22

Chiwui thili ana awui sākhangatha̱bingli hānga, “Nathumna miwui Naomayarawui atam chi thangkhamāngla theingailala matheirarki kaji zimiksho rārāsāra.

LUKE 17:24

Kaja rikhān khangashei tharan achikun akhawui eina achikun akhali horkhavā thada miwui Naomayarana awui zimiksholi chithada rāra.

LUKE 17:27

Noahna marikhong kātongkhuida tara̱ phongshilongda ot saikora mashimānranglakha eina tangda athumna phāshak phazāpama, ngalā khuipama, fathuipama.

LUKE 17:7

“Nathumwui ngachaili khipāna rao akha ngavālaga ana luili vālaga lah yao ahomlaga shimli hankhaung eina ‘thākta ungphāzaulu’ da hangra?

LUKE 18:8

Ina nathumli kahāngna, ana thaklāk eina mashun bichar sāmira. Chithāmāngmada miwui Naomayarana rāthanghon shitkasanga mi okathui hili leisaralā?”

HEBREWNAO 11:7

Mik eina matheikharar naoda shokki kaji Varena hāngkhamathin tharan Noahna nganākasang chi shitkasang mangā einana. Varewui kahāng nganāda ashi shimkhurli huikakhuiya marikhong chi sākhui. Chiwui atheiva, okathuili khayon mihailaga shitkasang mangā eina kharā khamashung khangarong chi ana Varewui eina samphanga.

2 PETER 2:5

achālakhawui okathuilila Varena yangkhei kahai maleila shimān ngasakta khangarong hākashoka Noah eina athum katei shini chi maningla Varena ali makachāpabingli tara̱kaphong eina shimān ngasakakha,

2 PETER 3:6

kala tara̱na kaja phongkhashilong tara̱na kachama okathui chi shimān ngasakpapama;