LUKE 17:16 - Kathara Bible (BSI)

¹⁶ Kala Jishuwui pheizingli ngakhumshāmzangda ningkashi tarākha miya. Mipā hi Samarianaona.

LUKE 17:16 Iomraidhean Croise

HAOKAPHOK 17:3

Chieina Abramna ngaleili ngakhumzanga, kala Varena ali hānga,

MATTHEW 10:5

Jishuna tharāda khani chili ningmida shivāta: “Gentilebingwuili mavālu, kala Samarianaowui keinungli mazangalu,

MATTHEW 2:11

Athumna shimli kazang eina angangnao chi ava̱ Maryli ngasoda thei, chieina athumna khuktizangda akhoruma. Chiwui thili athumna athumwui otrom pheilaga ali sinā kala nganamkaphā thao frankincense eina myrrh chigata.

MARK 5:33

Kha sha̱naopava̱ china ali shokkahai chi theilaga ngacheerarang, kathirriri eina rāda ngakhumshām shokkahai otshot saikora rahānga.

LUKE 17:17

Chieina Jishuna ngahāna, “Mi tharāli tharkhami maningmalā? Athum chiko chi kali vāhao?

LUKE 5:8

Kha Simon Peterna chi kathei eina Jishuwui pheizingli ngakhumzangda hānga, “He Proho, iwui eina kathuimihaolu; kaja I morei kaphunga mina.”

JOHN 4:9

Samariawui sha̱nao china hānga, “Nava Jihudinaona kala iya Samarianaona, kathada Samariawui sha̱nao ili tara̱ pokhala?” Kaja Jihudibingna Samarianaoli ot mangaronmana.

JOHN 5:23

Chieina mi saikorana Avāva̱li khayākashi tākam eina Anaomayaralila khayāshira. Kachikathāna Anaomayarali khayāmashiakha ali kashirāta Avāva̱li khayāmakashina.

JOHN 8:48

Athumna Jishuli ngahāna, “Na Samarianaona kala nali chipee zangdalei da ithumna kahāng hi mamashungmala?”

OTSAK 1:8

Kha Manglā Kathara chi nathumwuitungli tāshungkhami tharan, nathumna pangshap samphanglākra. Cheina nathumna Jerusalemlila, Judea ngalei katongalila, Samarialila kala okathuiwui akatanga vāshungda iwui vang shākhi sāra.”

1 CORINTHNAO 14:25

Awui ngathum kahai kaphaning chi phongyānghaora, kala kui mashungzangda Vareli khorumra kala “Kachangkhat Varena nathumli ngasoda lei” da ana hāngphatra.

PHONGKHAMI 19:10

Chieina ina ali khorum khavai ngakhumzanga kha ana ili hānga, “Chi mathāpaimara! ila na thada kala Jishuwui vang shākhi kasā nachinā ngarā thada otram ngatha̱kharuma akhana. Varivarali khorumlu.” Khikhalajila Jishuwui shākhi chi phongkhamiwui manglāna ngashitkhami chilaka.

PHONGKHAMI 4:10

wungpamkhongli kapama arar maga̱da mati china ngakhumshām eina, katang mavaila ringching kaje wungpamkhongli kapama chili khoruma. Athumna athumwui kuihon chi wungpamkhongwui mangāli laa sāda haitai;

PHONGKHAMI 5:14

Kala kharinga sāyur mati china ngahānkai, “Amen!” kala ararbing china ngakhumshāmhaida khoruma.