LUKE 17:1 - Kathara Bible (BSI)

¹ Chiwui thili Jishuna awui sākhangatha̱bingli hānga, “Morei sākhavai kasui kachungkha rāra, kha kasui rākhangasakpā chili kakhanang ringkashi ngasāranu.

LUKE 17:1 Iomraidhean Croise

MATTHEW 16:23

Kha ana ngareivāda Peterli hānga, “Iwui khanukshong unghaolu, Satan! na ili sheikakhautana; kaja na Varewuishong maningla mikumowuishong lei.”

MATTHEW 18:7

Morei sākhavai kasuiwui vang okathuili kakhanang ngasaranu! Kaja kasui hi rāphalungra, kha kasui rākhangasaka mi chi kakhanang ngasaranu!

LUKE 16:31

Abrahamna ali hānga, ‘Athumna Moses eina marānbingwui tui manganaakha kachikathā kathiwui eina ringshokta unghānglala makhuisangmara.’”

ROMNAO 14:13

Chithākha ithum akhana akhawuitungli bichar masā ngarokluisa. Kha achinā akhali phei mangaphok khavai lah moreili matāzang khavai sāthusa.

ROMNAO 16:17

Ivānaongarā, ina pokhangai hina, sākakhayāngbingli kala nathumli tamchithei kahai chi mashurla khangatei tamchitheida shitkasang mashongachei ngasakta khalei mibing chili ningngasharlu. Athumli mangasoalu.

1 CORINTHNAO 10:32

Jihudibinglila, Greekbinglila kala Varewui churchlila makhanang ngasakalu.

1 CORINTHNAO 11:19

(Mashunli nganingtit kajebingli ngahāhang eina theipai khavai nathumwui ngachaili kakaila leiphalungda leira)

1 CORINTHNAO 8:13

Avānao akha nguikhavai leili jiakha ali morei masākhavai ina sā chi mashaiphalungmara.

1 TIMOTHY 4:1

Manglā Katharana tharlak eina hānghaira, kaja naoda mi kaikhana mikhanama manglā kala kameobingwui sha̱tui nganāda shitkasangwui eina thuihaora.

PHONGKHAMI 2:14

Kha nathumli mamayākhangai kateokha lei; nathumwui ngachaili Balaamwui tamkachithei khuikasang mi kha lei, ana Balakwui tui tamchitheida Israelnaobingli phei ngaphok khavai sai. Kameoli kapha̱sā shaikhavai, ngalā ngashām khavai ana kasatsanga.

PHONGKHAMI 2:20

Kha nali mamayākhangai hi lei: Jezebel, khalatta marān kahova̱ chili nana mayai. Awui tamkachitheina iwui raobingli yonngasaka, khamathang-khamarang meoma̱li pha̱kahai sā chi ana shaingasaka.