LUKE 16:28 - Kathara Bible (BSI)

²⁸ kaja ichināngara phangā lei, athumnala kachotkachāngpam hili marā khavai unghāngmachinmi ngasaklu.’

LUKE 16:28 Iomraidhean Croise

LUKE 16:27

Chieina ana hānga, ‘Avā, chithākha ali ishāvāwui shimli kashiunmilu;

OTSAK 10:42

Kala kharingabing eina kathebingli bichar sāmi khavai Varena ali kapangkhui kahaina kaji mibingli shākhi sākhavai kala hāshok khavai ithumli ana kaso kahaina.

OTSAK 18:5

Silas eina Timothy Macedoniawui eina rākazang chitharan Paulva Jihudinaobingli Jishu hi Khristalaka da shākhi milaga pao hākashokli ningsanglak eina sāsai.

OTSAK 2:40

Peterna khangatei tui kachungkha eina shākhi mida athumli kasatsangda poi, “Makhamashunga mithot hiwui eina yāmshok khavai sālu.”

OTSAK 20:21

Jihudinaobing eina Gentilenaobing moreiwui eina ningngateida Varewuili latung khavai kala ithumwui Proho Jishuli shitsang khavai ina ngaraichā eina hāngmachinmi.

OTSAK 20:23

Ina katheiva keinung kachida phātop kazang kala kachotkachāngna ili ngaraida leili da Manglā Katharana ili hāngkhami chimānga.

OTSAK 20:24

Kha ina iwui mirin hi sakta makhuimana, Varewui lukhamashanwui paokaphā chi shākhi sākhavai Proho Jishuna khami chi sākupchaoshap khavai himang hi iwui ningkachāngna.

OTSAK 23:11

Chithang ngayā Prohona Paulwui ngalemli ranganingda hānga, “Mangacheealu! nana iwui vang Jerusalemli shākhi kasā chithada Romelila shākhi sāphalungra.”

OTSAK 26:22

Kha aja rāshungda ina Varewui khangachon samphanga. Chieina ina hili nganingda kharei kateo makhaila shākhi hi khamina. Marānbing eina Mosesna shokrada hāngkahai chili henda ina khikha mahāngmana.

OTSAK 28:23

Chieina athumna Paulli langkasa̱ akha sai kala chithang ana kapam apam chili mi kachungkha rākazipa. Ana ngathor eina thuida ngazin vāshungda Vare wungramwui pongli meikhaichithei kala Moseswui ain lairik kala marānbingna kapi kahaiwui eina khuishoklaga athumli Jishuwui pongli meisā eina tamchithei.

OTSAK 8:25

Athumna Prohowui tui shākhi sāda Varewui tui tamchithei kahaiwui thili, Peter eina Johnna Jerusalemli latunghaowa. Awunlam Samariawui kha̱ung kachungkhali paokaphā hāshoka.

GALATIANAO 5:3

Kachikathāna a khalatta ahui rimshok khavai mayākha, ana ain katonga chi mayonphalungki kajina da ina machinluishit kajina.

EPHESIANAO 4:17

Mashitkasangbingna wuklung mararda chukmaja̱phāphā kaji thada maokthui khavai ina Prohowui ming singda nathumli saklāk eina kahāngna.

1 THESSALONICANAO 2:11

Ava̱va̱na anaongarāli kasā thada ithumna nathum ava̱va̱li chithada sai kaji nathumna thei.

1 THESSALONICANAO 4:6

Khipākha hiwui pongli achināli khalāng masāpaimara, kala hikathā khalanga mili Prohona kashong lāngra da nathumli rida hānghaira.