LUKE 16:25 - Kathara Bible (BSI)

²⁵ “Kha Abrahamna hānga, ‘Inaomayara, phaningunglu, kaja na ringda leilakha khamathāthāmāng samphanga kala Lazarusva zakkashimāng samphanga; kha ara nana kachot samkaphang tharan ana hili ringkaphā samphangda lei.

LUKE 16:25 Iomraidhean Croise

JOBWUI LAIRIK 22:18

Chithālala ana athumwui shim khamathā otmāng eina chipemmi— kha makhayāwui hāngkachithei chi iwui eina katāvali lei.

LAA 17:14

okathuiwui ningmāng eina okathuiya mibingwui eina O Proho, athumwui vang nana kazipmi kahai chieina athumwui wuk chipemranu; athumwui naongarānala kashapli lāngda samphangranu, athumwui angangnaobingwui vangla kataimiranu.

LAA 49:11

Lam athum khalattawui aming phoklala, athumwui somkhavai pam thothotwui vāngna, athumwui chikhur athumwui shim sāchingra.

LAA 73:7

Thaonāhaida athumwui mikla mazoshoka, athumwui ning mangkhama̱na puitinghai.

CHAPCHĀT 1:7

Kakhanang ringkashi atamli achālakha awui aman kasak otyur chi Jerusalemna phaningunga. Awui mibingna yangkashebingwui pāngli tākazang tharan, kala ali ngachonmi khavai khipākha maleikasā tharan, yangkashebingna zeikharuida awui kongkhaluili mana̱rora.

DANIEL 5:30

Chithang ngayā ngalāngda Chaldeawui awunga Belshazzarli shaothathaowa.

MATTHEW 27:63

hānga, “Amei, kakapika mayara china ringda leilakha, ‘Zimiksho kathumthangwui alungli ina ringshokra’ da hāngkahai chi ithumna phaningunga.

MARK 9:45

Napheina nali morei sangasakakha, katattāhaolu; nawui vanga phei khani kālaga kazeiram horsangki kajile phei mareida katang makhavai kharingli kazang phamei.

LUKE 16:20

Awui ngaveili Lazarus kaho chāmlak kahai kala ngapharhok kahai mi akha leisai.

LUKE 16:23

kala kazeiramli chotlakhaoda ana yangkai kala Lazarusna Abrahamwui makāli kapam chi tālāk eina ngashānthei.

LUKE 16:26

Chili langmeikharda nathum eina ithumwui marakli chāngam akha lei, hiwui eina nathumli vākhangaibingna mavāpaimana kala nathumwui eina hili kāka kajebingnala makāpaimana.’

LUKE 6:24

“Kha kashāngabing nathum kakhanang ringkashi ngasāranu, kaja nathum nathumwui ringkaphā samphanghaira!

JOHN 16:33

Ina nathumli hi hānghaira, iwuili nathumna chingri kahai samphangra. Okathuili nathumna kachotkachāng samphangra, kha ningai mathānlu, ina okathuili yuihaira!”

OTSAK 14:22

Anina shitkasangabingli pangsang ngasaka kala khamashunga shitkasang chili mangacheilakla leiching khavai kasatsanga, kala “Vare wungramli zangkida ithumna kachotkachāng kachungkha phungphalungra” da tamchithei.

ROMNAO 8:7

Kaja phasāwui athishurda kazata mi chiya Vareli yangkashena; ana Varewui ain mashurmana, kasāla masārarmana,

KHALATLUI 28:17

Khonkashi chi nathumwui ngasāda, nathumwui māchum kala nathumwui hamhanla makāmara.

PHILIPPINAO 3:19

Athum meifali vātangsera, kaja phasāwui ningkachāngli phākazat chi athumwui vare ngasāhaowa; khayakkhamarao otsakli athumna langsoi, athum okathui otmāngli phaninga,

1 THESSALONICANAO 3:3

Chithākha hikathā rekakharek hina nathum masa̱na̱ungmara. Chikathā rekakharek chiya ithumwui vang Varewui kaphaningwui akai akhana da nathumna thei.

HEBREWNAO 11:25

Moreilungli kasha̱kha ringphāki kajiwui vanga Varewui mibingli ngasoda kakhanang kaphung ana ningchāngmei.

1 JOHN 2:15

Okathui kala chiwui alungli khalei otbing chili maleishialu. Nathumna okathuili leishiakha Avāva̱li maleishimana.

PHONGKHAMI 7:14

Chieina ina ali ngahānkai, “Amei, nana katheina,” Chieina ana ili hānga, “Athum hiya kachotkachāngwui eina shokkahaibingna kala athumwui sāri Yaonaowui ashee eina ngasa̱hailaga charshi eina sākhui kahaibingna.