LUKE 16:24 - Kathara Bible (BSI)

²⁴ Chieina ana hānga, ‘Avā Abraham, ili khalumashanmilu kala Lazarusli awui pāngmarengnao chi tara̱ simkhuilaga imale hili kharāmakuimi ngasak khavai chihotāmilu kaja I meilung hili chotnāhaira.’

LUKE 16:24 Iomraidhean Croise

JOBWUI LAIRIK 20:21

Ana zāsang kahaiwui thili khikha mataimana, chiwui vang eina awui kashāng chi masangleimara.

ISAIAH 27:11

Thingphāng thengkahai eina tektāserhaowa; sha̱naobingna rāda chieina mei sai. Kaja hi mashun-makhui makathei miyurna, chiwui vang eina athumli kasāpānala athumli malumashanmara, athumli semkakhuiana athumli ngahankhangaila maleimara.

ISAIAH 66:24

“Kala athumna vāda ili ngakaikashe mibingwui kathingun chi ayangra; kaja athumwui kachai mathimara, athumwui mei mamitmara kala athum chi asā khavai saikorawui ningkakachaiya ngasāra.”

ZECHARIAH 14:12

Jerusalemli rai rākatā yurbing saikorali Prohona mimao rāngasaki kaji chi hina; athumna phei eina nganingda leilakha aphi shuihaora, mikla alungli kala athumwui malela khamorlungli shuihaora.

MATTHEW 25:41

“Chiwui thili awui uishong khaleibing chili ana hāngra, ‘Khonshi kahaibing, nathum iwui eina thuihaolu kala chipee eina awui kazingraobingwui vang ngarān kahai katang makhavai meifa chili vāulu;

MATTHEW 3:9

kala nathum khalatta ‘Ithumwui avāva̱ Abraham lei’ da maphaninghaialu; ina nathumli kahāngna kaja ngalungbing hiwui eina Varena Abrahamli nao kachungkha semmishapa.

MATTHEW 5:22

Kha ina nathumli kahāngna, kachikathāna khi ngalangkha maleila achināli malungvātakha ali bichar sāphalungra. Kachikathāna achināli yomtui matuiakha ali hanga̱shimli khuikāra kala kachikathāna ‘Makānkhana mangkhama̱ mi!’ da phorakha meifali horsangra.

LUKE 16:30

Chieina ana ngahānkai. ‘Maningmana avā Abraham, kachikathā akhana kathiwui eina unglaga athumli unghāngakha ning ngateira.’

LUKE 19:9

Chieina Jishuna ali hānga, “Mipā hila Abrahamwui ara̱-azā ngasahaoda aja shimkhur hili huikhami rāshunghaira.

LUKE 3:8

Ning khangateiwui ngarakzak kahai athei mathei ngasaklu kala nathum khalatta ‘Ithumwui avāva̱ Abraham lei’ da mahāngalu, kaja ina nathumli kahāngna, ngalungbing hiwui eina Varena Abrahamli nao kachungkha semmishapa.

JOHN 4:10

Jishuna ali ngahānkai, “Nana Varewui lemmet chi theisāsi kaja kala ‘Ili tara̱ khamimanglu’ da kapopa hi khipākhala da theisi kaja nana ali poda ana nali kharinga tara̱ chi mihaira̱ra.”

JOHN 4:14

kha ina miki kaji tara̱ chi khamanga a chi mara̱changluimara. Ina miki kaji tara̱ chiva awuili katang makhavai kharing wurkashoka ura ngasāhaora.”

JOHN 7:37

Phanitwui khanaowa kala khamataiyathang Jishuna nganingda panglāk eina hānga, “Kachikathāna ra̱changakha iwuili rāmangkhuilu.

ROMNAO 4:12

Kala a hi amingmāng eina ahui rimshok kahaibingwuimāng maningla kha ithumwui avāva̱ Abrahamna ahui marimshokranglakha shitkasang thada shitkasangabing saikorawui avāva̱na.

2 THESSALONICANAO 1:8

Vareli makhuikasangbing kala ithumwui Proho Jishu Khristawui paokaphāli makhanganābingli tandi mira.

JAMES 2:13

Kaja bichar kasā tharan lumashanmi kahai makhaleia ā chili Varena malumashanmimara, kha bicharliva lukhamashana yui.

JAMES 3:6

Male hi mei kathāna. Okathuili male hina khayon otmāng sai, kala phasā akai sāda phasā katongali maphāngasakmana. Kazeiramwui mei chi thotsangda mirin chuitā ngasaka.

PHONGKHAMI 19:20

Sāyur chili kala ali ngasoda minama marān, awui mangāli matakhak kahai ot sāda sāyur chiwui mahor namkahai kala awui ama̱li khokharumbingli minamkakhuiya chili tuknarhaowa. Ani khanili meiri eina chuida khalei meiwui ngayili kharing eina horsanghaowa.

PHONGKHAMI 20:15

kala kachikathāwui aming kharingawui lairikli mazangthura̱-akha chikathā mili meiwui ngayi hili horsanghaowa.

PHONGKHAMI 22:1

Chiwui thili kharingwui tara̱ khalonga kong akha ili chithei, mathingrikhai, Varewui wungpamkhong kala Yaonaowui eina longshoka,

1 SAMUEL 28:16

Chieina Samuelna hānga, “Prohona nali mamayāmada mai ngareithuihaida nawui yangkashe ngasahaiakha, khisāda ili ngahānkhala?