LUKE 16:2 - Kathara Bible (BSI)

² Chieina ana lansina chili hokhuida ngahāna, ‘Nawuitungli kaphen hi khikhala? Nawui lansin saikorawui hishap khuirālu, kaja na aja eina thuilaga lansina masāluipaimara.’

LUKE 16:2 Iomraidhean Croise

HĀSHOKME 12:14

Kaja kaphāla kashila, ngathum kahai saikora bichar sāthang Varena khuishokserra.

MATTHEW 12:36

“Ina nathumli kahāngna, bichar sāthanghon mi kachiva̱na ana matuishokphāphā kahai chiwui maram misera;

MATTHEW 20:8

“Kazing khaying eina yāmguiwui akhavā china awui kashina chili hānga, ‘Ot kasābing chili hokhuiserlaga rākhanaowa eina haophoklaga rākhare kāshungda athumli athumwui langhai chi mihaolu.’

LUKE 12:20

Kha Varena ali hānga, ‘Mangkhama̱a! Arui ngayā nawui manglā khuithuihaora’ chithākha ana kazip kahai lan saikora chi khipāwui ngasārakhala?”

LUKE 12:42

Chieina Prohona ngahānkai, “Chithākha atam horzakta kashakazā ngayarmi khavai shimvana pangshap horsangmi kapai ningkhamazinga kala chukhamaja̱ khalei kashina chi khipākhala?

LUKE 16:1

Anala awui sākhangatha̱bingli hānga, “Atam akhali kashānga mi akhawui lan kasinga mi akha leisai. Ana akhavāwui lan leimamāngli sāshimānmihaoda awuitungli kaphen leihaowa.

LUKE 16:3

Chieina lansina china akhalatta hānga, ‘Kathāusido? Iwui akhavāna ili lansinpam eina khuishokhaora jihaira! Pangshap maleithuda tin singda otla masārarmarali, kala pokazāla khayakrali.

ROMNAO 14:12

Chieina ithum ichichāna sākahai chi Vareli chitheira.

1 CORINTHNAO 1:11

Kaja ivānaobing, nathumwui ngachaili kharar khangarok leili da Chloeshi shimkhurwui mi kaikhawui eina tharlak eina shāhaira.

1 CORINTHNAO 4:2

Hikathā otram khangatha̱bingva akhavāwui shitsangkapaibing ngasāphalungra.

1 CORINTHNAO 4:5

Chiwui vang eina retkahai atam chi marāranglakha eina tangda khipālikha bichar masālu, Proho marāranglakha eina tangda ngaraisālu. Chithanghon tangkhamangli thumtit kahaibing kala mibingwui ningli kharin leilaga ngathum kahai saikora phongshokra. Chiwui thili mi kachiva̱ Verewui eina ana masot samphang khangayi chi samphangra.

2 CORINTHNAO 5:10

Ithum saikora Khristawui bicharli kānganingserphalungra, kala mi kachiva̱ ringlakha ana sākahai chiwui athishurda kaphā nilala, kashinilala sāman samphangra.

1 TIMOTHY 4:14

Ararbingna nawuitungli pāng parrorda kala marānbingna hāngmi kahai nawui wuklungli khalei manglāwui lemmet chi khikha maningmana da maphaninghaialu.

1 TIMOTHY 5:24

Mi kaikhawui moreiva thatheihaoda bichar kasāna rihaowa. Kha kaikhawui moreiva naolak eina rātheiya.

1 PETER 4:10

Varivarana ngatateida khami lukhamashanwui kaphaa kashina sāda, mi ava̱va̱li lemmet ngatateida mikahai chi akhana akhawui vang kānnā khavaili shichinlu.

1 PETER 4:5

Kha athumna kharingbinglila, kathebinglila bichar sāki kaje Vareli athumwui sākahai saikora chiwui hishap misera.

PHONGKHAMI 20:12

Kathebing khareila kateola wungpamkong mangāli khanganing kala lairikbing harkahai chi ina thei. Khangatei lairik akhala harluihaowa, chiya kharingawui lairikna. Lairik hili kapi kahai tākam eina kathebingli athum kachichāna sākahai athishurda bichar sai.