LUKE 16:19 - Kathara Bible (BSI)

¹⁹ “Atam akhali kashānga mengchin kahai kashankachon khangavai kala thangkachida hekmaheilak eina phāshak phazākapam mi akha leisai.

LUKE 16:19 Iomraidhean Croise

ESTHER 8:15

Chiwui thili Susa keinung ringphāda mathānda ngavaoda leilakha, Mordecaina wungnao sāri khamayinga kala kachara sāri ngavaida, sinā kuihon kahakva̱ ngahonlaga tāwon kachon khamanaka hungreoseo sāri shaksāda awungawui eina shoka.

CHĀNSAM 14:24

Thangkhamawui kuihon aworna, kha mangkhama̱wui otsak chi mangkhama̱bingwui pāsina.

CHĀNSAM 31:22

Akhalattawui ngavai khavai kachon sākhui; awui kachonva hungrisi khamanakana.

ISAIAH 3:23

kala kalāra̱ngayot, khamanaka sāribing, kuihon kala kachonbing ngapaithuiserhaora.

EZEKIEL 16:13

Chithāda nali sinā lupā eina sāri sāmi; kala nawui kashankachon khamanak kala silk kachon, aphor phorkasanga kachonmānga; nana khamanaka mathir kala khuira̱ eina thaomāng zai. Na ngalā mathākachangkhata rarkai kala awungawui shimlui samphanga.

EZEKIEL 16:49

Yanglu, hi nagatuiva̱ Sodomwui moreina: a eina anao ngalāva̱bingna langsoi, mazākharar eina tangda zai, lekngasaisor eina okthui, kha khangazanbing kala khavātabingli mangachonmimana.

EZEKIEL 27:7

Egyptwui phorrei phorkasang kachon eina sihur sai, nawui philān sāvai. Elishah ngayipheiwui khamenga kazing machu kala hungreoseo kahai kachon nawui kachonshimna.

MARK 15:17

Kala athumna hungkhamaying kachon akha ali ngavaimi kala ka̱shat eina sākakhui kuihon ngahonmi.

MARK 15:20

Athumna ali ngashimshikhui kahaiwui thili hungkhamayinga kachon raimihailaga awui kashankachon ngavaimi kala ali krushli shaoshān khavai athumna shimenthuihaowa.

LUKE 15:13

Zimiksho khani kathumthangwui thili ana awui shimluiyar yorkhuiserhailaga pheisā chi khuiphungda ngalei katāva̱ akhali thuihaowa. Apam chili sopmasaplak eina okthuilaga awui lan saikora sākasakserhaowa.

LUKE 16:1

Anala awui sākhangatha̱bingli hānga, “Atam akhali kashānga mi akhawui lan kasinga mi akha leisai. Ana akhavāwui lan leimamāngli sāshimānmihaoda awuitungli kaphen leihaowa.

LUKE 16:18

“Preiva̱li pānghailaga khangatei akhali kakhui kachiva̱ phokaphāna, kala gaharali pāngkahaiva̱ sha̱nao chili khangakuma mi chila phokaphāna.

LUKE 16:20

Awui ngaveili Lazarus kaho chāmlak kahai kala ngapharhok kahai mi akha leisai.

PHONGKHAMI 17:4

Sha̱naopava̱ chiya hungrisi eina hungping kahai sāri ngavai, sinā, khayingmukta kala amankasaka ngalung eina thāngpeohai. Apāngli shamkasāwui kala ningkakachaina pemting kahai sinā tengkot akha singa,

PHONGKHAMI 18:16

“Iyavo! iyavo, khareia keinung! Hungrisi, hungping kahai khangavaiva̱, sinā kala hirā muktā thāngpeo kahaiva̱!

PHONGKHAMI 18:7

A khalatta tekmatei ngasakta khangkāser ot kasā chiyākha, rekakharek chapkhangachā alila tāzakta milu. Awui ningli, ‘Ina awungva̱ sāda pama, rameiva̱ maningmana, chapkhangachā matheilakmara’, da phaninga.

WUNGVA̱-WUNGVĀ 8:26

Kala ana pokakhui unra̱ saikora chi kaziplaga sinā chiwui kharit shekel thingkha shāshini shoka; chili lāngda chā, huishon, kala Midiawui wungnaona khangavai khamenga kachon, utbingli ngachākhami chā, kachungkha hi mashānarmana.