LUKE 16:15 - Kathara Bible (BSI)

¹⁵ Kha ana athumli hānga, “Mibingwui miktāli nathum khalatta mashungkhui khavai sāzata, kha Varena nathumwui wuklung theisera, kaja mibingwui miktāli khamathāna da kakhui hiya Varewui miktāli ningkakachaiya otna.

LUKE 16:15 Iomraidhean Croise

1 THOTRINCHĀN 29:17

Nana wuklung tamyangda mashungrik kahaili ningyangkhaung lei kaji ina thei, iwui Vare, ot saikora hi ina ningtongda kachigatna, kala hili khalei nawui mibing saikorana nawui vang mathanthathup eina kachigatna kaji ara ina theihaira.

2 THOTRINCHĀN 6:30

nawui pam kazingramli shākāmida, kapheomilu; kala mi kachiva̱li kachichāwui kaphaning athishurda sāmilu; (kaja namāngna naongarā kachiva̱wui ning katheina);

LAA 10:3

Kaja makaphā china wukli ningkachāng chieina lāngsoi, kala kakharāma mi china tongzā khavai Proholi mamayāla khonshi.

LAA 49:13

Hi mangma̱sak eina shitkasangbingwui kalāna, kachichāwui yarli ringkaphābingwui akatangana.

LAA 49:18

A ringlakha ringphai da akhalatta shānkhuilala, a khalattawui vang khamathā kasā tharan mina solala,

LAA 7:9

Iyavo, makaphābingwui zakkashi chi tanghaoranu, kha khamashungbingli nana sākāmilu. ning kala wuklung tamkhayanga, na khamashunga Varena.

CHĀNSAM 16:5

Yākhangai hi Prohowui mangāli ningkakachai otna, ali tandi mamila machihomara kaji theilu.

CHĀNSAM 20:6

Mi kachungkhana khalattawui khamatha vaozata; kha ningkatonga mi khipāna samphangshapra!

CHĀNSAM 21:2

Mina awui kasāsā chi awui miktāli mashunga da phaninga, kha Prohona ning onyanga.

JEREMIAH 17:10

Proho, Ina ningli kapeoyanga, kala wuklungli tamyanga; mi kachiva̱li awui apongwui thishurda, awui kasāsāwui athei athishurda mikhavaina.”

MALACHI 3:15

Arui eina thuilaga ithumna langkasoli sokhame jira; makaphākasaana ringkaphāmang maningla Vareli chāng yanglala kalākashi maleimana da khuira.’”

MATTHEW 23:5

Athumna athumwui kasāsā ot chi mina theikhavai sai; athumwui pāsi eina hār pākta sākhui kala chontheira̱ sānglak eina khanonga,

MATTHEW 6:16

“Nathumna kakhum tharan khanangzan eina phākakhaningbingna kasā thada mapamchitheialu, kaja athuma athumwui kakhum chi mibingna theivairanu da zakmai ngatei ngasaka. Ina nathumli kachangkhat kahāngna, athumna athumwui samphangrān chi samphanghaira.

MATTHEW 6:2

“Chiwui vang eina nana kachikathā khavāta mi akhali khangachon khami tharan phākakhaningabingna synagogueli kala chānreili mibingna sovairanu da kasā thada yaruili masāchitheizatalu.

MATTHEW 6:5

“Nathumna seihā kasā tharan phākakhaningbingna kasā thada masāphalungmara kaja athumva mina theivairanu da synagogueli kala chānreipheili nganinglaga seihā sākazat ningchanga. Ina nathumli kachangkhat kahāngna, athumna samphangkhangayi chi samphanghaira.

LUKE 10:29

Kha khalatta mashungkhuikhangaiwui vang Jishuli ngahānluishita, “Chithākha iwui khongnainao chi khipākhala?”

LUKE 11:39

Chieina Prohona ali hānga, “Arui nathum Phariseebingna tengkot eina khongpheiwui ayar pheokhaninga, kha nawui alungliva kākharām kala makaphā-makhayāna pemtinghai.

LUKE 18:11

“Phariseepā china kha-lāchāda anganinglaga hithada seihā sai, ‘O Varivara, ina nali ningshilaka kaja iva mi khangatei thada ngaponkazā, ning makathar, phokaphā lah khāshinā khalokapā kathā maningmana.

LUKE 18:14

Ina nathumli kahāngna, “Phariseepā maningla khāshinā khalokapāna pheokhami samphangda shimli hanunghaowa; kaja khalatta hakkakhui mi kachiva̱li teongasakra kala khalatta kateowana da kaphaninga mi chili hakngasakra.”

LUKE 18:21

Chieina ana ngahānkai, “Ina saikora hi nganuilakhawui eina thuida mayonrā kahaina.”

LUKE 18:9

Khalatta khamashungana da kaphaninga kala mi saikorali machāpkhame athumlila Jishuna chānjam hi hāngchithei:

LUKE 20:20

Chieina athumna atam kachā chi rimpama kala kachikathā kaikhali pheizā mida khamashung-khangarong sārek ngasaklaga Jishuna khayontui matuiakha tukkhuilaga khamunga pangshap khaleiya Governorwui pāngli horsangmi khavai mi chihovai.

LUKE 20:47

rāmeinaobingwui lan khangaponbing kala sāchithei khavai seihā kasangsang sākharekabingli ningngasharlu. Athum hakkhamei khonshāt samphangra.”

JOHN 2:25

mi khipānakha athumwui pongli ali hāngmi khavai darkar masāmana kaja a khalattana athumwui ningli khi leikhala kaji thei.

JOHN 21:17

Kakathumali Jishuna hānglui, “Johnwui naomayara Simon, na ili leishila?” Kakathumalila “Na ili leishila?” da khangahānwui vang Peter wukkhananghaowa; kala hithada ngahānkai, “Proho, nana saikora katheina; ina nali leishiya kaji nana thei.” Jishuna ali hānga, “Iwui yaobingli phāuilu.”

OTSAK 1:18

(Mayara hina awui makhayāwui sāman eina lui akha lokhui; kala chili kashuirak eina kongluida akhari akharā ngapophātserhaowa.

OTSAK 1:24

Chiwui thili athumna seihā sai, “Proho, mi kachiva̱wui kaphaning nana thei, chieina khalattana vākhangayiya apamli vākhavai

OTSAK 15:8

Kala mi kachiva̱wui wuklung katheia Varena ithumli khami thada athumlila Manglā Kathara khami hina Varewui khamayā chitheimihaira.

ROMNAO 3:20

Kachiwui vangkhala kaja ainwui otsak china mikumo khipālikha Varewui mangāli mashungkhami maleimana. Ainwui eina kashok chiya mikumona morei sāhaira da theikhui khangasakmanga.

ROMNAO 8:27

kala mibingwui wuklung katheia Varena manglā chiwui kaphaning khikhala kaji thei, Manglā china Varewui ningkachāng athishurda katharabingwui vang pomida lei.

1 CORINTHNAO 4:5

Chiwui vang eina retkahai atam chi marāranglakha eina tangda khipālikha bichar masālu, Proho marāranglakha eina tangda ngaraisālu. Chithanghon tangkhamangli thumtit kahaibing kala mibingwui ningli kharin leilaga ngathum kahai saikora phongshokra. Chiwui thili mi kachiva̱ Verewui eina ana masot samphang khangayi chi samphangra.

1 PETER 3:4

Kha Varewui miktāli aman kasaka tākui kahai kala khanima ningngai, mashimānkapai eina wuklungwui khangathuma mi sāthulu.

1 PETER 5:5

Chithada sāda khanuithotbing ararnaobingwui kahāng nganālu kala nathum akha eina akha otram ngatha̱mi ngarok khavai khangahuiwui sāri ngavailu, kaja hithada kapihaida lei; “Varena langkasobingli ngasunga kha khangahuiale lumashanmi.”

PHONGKHAMI 2:23

Awui thikashurabingli ina sāthatserhaora, chieina church saikorana I hi mi saikorawui kaphaning sākhangai katheiana da theikhuira. Kala nathum kachiva̱li kachichāna sākahai athishurda mira.

1 SAMUEL 16:7

Kha Prohona Samuelli hānga, “Azakli mayangalu, lah asho-areplila mayangalu; khikhalajila ali ina mamayāmana. Kaja miwui thāda Prohona azakli mayangmana; kha Prohova wuklungli khayangna.”