LUKE 16:13 - Kathara Bible (BSI)

¹³ “Rao akhana akhavā khanili otram mangatha̱paimana; kaja ana akhali yangkharinglaga akhapali leishira, maningakha akhali mashitlaga akhapāli ningkachaira. Nathumna Vare eina okathuiwui lanli otram mangatha̱rumpaimana.”

LUKE 16:13 Iomraidhean Croise

MATTHEW 4:10

Chieina Jishuna ali hānga, “Thulu, Satan! Kaja hithada kapihaida lei, ‘Nana Proho nawui Vareli khorumphalungra, kala amāngli otram ngatha̱ki kajina.’”

MATTHEW 6:24

“Khipānakha akhavā khaniwui otram mangatha̱rarmana; kaja ana akhapāli yangkharinglaga akhapāli leishira, lah akhali mashitlaklaga akhapāli ningkachaira, nathumna Vare eina lanli otram mangatha̱rumpaimana.

LUKE 11:23

“Ili makazanga mi chi ili makhamayāna, kala ili ngasoda homkakazipli makazanga mi chi kasham kahaiana.

LUKE 14:26

“Ili kharā mi kachiva̱na ava̱ avā, preiva̱, naongarā, achināngarā, azarva̱ ngara kala khalattawui mirinli mahorhairarakha, a iwui sākhangatha̱ masāpaimana.

LUKE 16:12

Kala nathumna kateiwui otli ningmazingda masingmirarakha nathum khalattawui lan chi khipāna nathumli mirakhala?

LUKE 16:9

Kala ina nathumli kahāngna, “Nathum khalatta makathar okathuiwui lan eina ngasotnao phākhui, chithākha lan chi shimān kahai tharan athumna nathumli makashimānpamli zangngasakra.

LUKE 9:50

Kha Jishuna ali hānga, “Ali makhāmhaialu; kaja nathumli mangakaikashebing chi nathumwui mina.”

JAMES 4:4

He mashitkasanga mibing! Okathuili ngasotnao kasā hiya Vareli yangkashena da nathum matheimalā? Okathuili ngasotnao sākhangaia mi chi Varewui yangkashena.

JOSHUA 24:15

Kala kalikha nathumna Proholi otram mangatha̱ngaiakha, navāngarāna kong makānda ramreili leilakha khorumkasā varebing chika, Amor ngaleili nathumna pamlakha khorumkasā varebingli khuira̱khala kaji aja kapangkhuilu; kha I kala iwui shimkhurva Proholi otram ngatha̱ra.”