LUKE 16:10 - Kathara Bible (BSI)

¹⁰ Kateowa otli ningkhamazing mi china kahaka otlila ningmazinga, kala kateowa otli ningmakathar mi chi kahaka otlila ning matharmana.

LUKE 16:10 Iomraidhean Croise

MATTHEW 24:45

“Chithākha kahāng khanganā kala thangkhama, shimva̱ china shimkhurwui kashok kazang saikora yangmi khavai kala atam chālak eina khangatei raobingli kashakazā khuimi khavai otsin horsangkhami rao chi khipakhala?

MATTHEW 25:21

Awui akhavā china ali hānga, ‘Phālakhaira, kaphā kala shitsangkapaiya rao, nana ot kateowa hi ningtonglak eina shikachinwui vang ina nali ot tarākhawuitungli akhavā sāngasakra; nawui akhavāwui khamathānli zanglu.’

MATTHEW 25:23

Awui akhavā china hānga, ‘Phālakhaira, kaphā kala shitsang kapaiya rao! Nana kateowa ot hi ningtongda kasawui vang nali chungkhameiwuitungli akhavā sāngasakra. Nawui akhavāwui khamathānli zanglu.’

LUKE 19:17

Chieina ali hānga, ‘Phālakhaira! kaphā rao! Nana kateowa otli ningmazinglak eina kasāwui vang nana keinung tharāwui akhava sāra’

JOHN 12:6

Ana kahāng hi lukhamashanwui vang maningmana, kha a khalena, ana lupākhao kasinga sāda awuili ungkazang chi ngathumda khuichinga.

JOHN 13:2

Kala ngazin phazātwui atamli, Jishuli yorza khavai Simon Iscariotwui naomayara Judaswui wuklungli chipee zangkahai tharan,

JOHN 13:27

Judasna khamui chi khuikhaleoda awuili satan zanghaowa. Jishuna ali hānga, “Nana sāki kaji chi thākta saulu.”

HEBREWNAO 3:2

Mosesna Varewui shimkhurli shitsanglak kahai thada Jishunala ali khāngkhuikhame Vareli ningtongda shitsanga.