LUKE 15:8 - Kathara Bible (BSI)

⁸ “Lha sha̱nao khipana lupāsā tharā leilaga akha shimānhaiakha ana thaomei sharkāda shim pha̱da masamphangranglakha eina tangda ningkachāng eina maphamarakhala?

LUKE 15:8 Iomraidhean Croise

EZEKIEL 34:12

Yao kachichā eina kazat tharan yaokahomabingna aphākakhui thāda inala iwui yaobingli aphākhuira; kala kakhanang kachot atamli kachichāpāk eina kazat apam kachiva̱wui eina ina ngatangkhuiserra.

MATTHEW 5:15

Lha mibingna thaomei sharlaga luk eina makhumhaimana. Kha thaomei sharkhavai meishongli haida shimlungli khalei saikorana kahor samphanga.

LUKE 15:7

Chithada sāda ina nathumli kahāngna, ning ngatei khavai makhalei khamashung khangaronga mi hangchikoda chikoli ngasokapamliva morei kaphunga mi akhana ning khangatei china kazingramli mathānmeikharra.

LUKE 15:9

Ana chi samkaphang eina khongnainaobingli hokhuilaga hānga, ‘Ithum ringphārumsa kaja shimān kahai lupā chi samphanghaira.’

LUKE 19:10

Kaja miwui Naomayarana shimān kahaibingli phākhuida huimi khavai kharāna.”

JOHN 10:16

Yaoshang hili makazang yao khangateila lei. Ina athumlila houngphalungra, kala athumna iwui akhon shāra. Chieina yaoshang akhamāngra, yaokahomala akhamāngra.

JOHN 11:52

Kala athumwui vangmāng maningla, Varewui mibing chaiyāng eina leikasābingli akha sāda ungkazip ngasakra kajina.

OTSAK 19:19

Meowor kathema mi kachungkhala athumwui lairik chi khuirāda yaruiwui miktāli rāriktai. Athumna lairikbing chiwui aman chākyanglaga lupā thing hangphangā kāshunga.

EPHESIANAO 2:17

Chithada sāda Varewui eina tāda leikasā Gentile nathumlila, Vareli nganaida leikasā Jihudibinglila, chingri kahai paokaphā chi saikorali Khristana rāhāshoka.