LUKE 15:6 - Kathara Bible (BSI)

⁶ Ana shimli khaung eina awui ngasotnaobing kala khongnainaobingli hokhuilaga hānga, ‘Ithum ringphārumsa kaja iwui shimān kahai yaonao chi samphanghaira.’

LUKE 15:6 Iomraidhean Croise

LAA 119:176

Shiman kahai yao thāda I ma̱zatli, naraoli kaphākhuimilu; kaja ina nawui ningkhami mamalailakmana.

LUKE 1:58

Prohona ali hakkhamahā lukhamashan miya kaji awui khongnainaobing kala athei-asābingna shai kala ali ringphārumma.

LUKE 15:10

Chithada sāda ina nathumli kahāngna, morei kaphunga akhana ning khangatei chitharan Varewui kazingraobingna ringphā mathāna.”

LUKE 15:24

kaja inaomayara hi thihairasai, kha ringluihaira; shimānhairasai, kha ara samphangluihaira.’ Chi eina athumna shaohāhā mana̱da ringkaphā eina phāshak phazāruma.

LUKE 15:5

Ana chi samkaphang tharan mathanthathup awui yartuili khāngkākhui.

LUKE 15:7

Chithada sāda ina nathumli kahāngna, ning ngatei khavai makhalei khamashung khangaronga mi hangchikoda chikoli ngasokapamliva morei kaphunga mi akhana ning khangatei china kazingramli mathānmeikharra.

JOHN 15:14

Ina kakaso chi nathumna saakha, nathum iwui ngasotnaona.

JOHN 3:29

Khām kahaiva̱ leikahaia chi khām kahaiana. Khām kahaiawui khamashita, awui ngalemli nāshungda khalei china khām kahaiva̱wui akhon kashā eina mathāna. Chithada sāda iwui ringkaphā chi ara kāshunghaira.

OTSAK 11:23

Ana vākashung eina mibing chili kathada somikhala kaji theilaga a ringphālakhaowa kala Proholi ningtongda shitsangching khavai athumli kasatsanga.

OTSAK 15:3

Churchna athumli chihovai kala athumna Phoenicia kala Samaria vākānda Gentilena Vareli kathada shitsanghaokhala kaji hāngchithei kala pao hina shitkasangbing saikorali mathān ngasaka.

PHILIPPINAO 1:4

seihā kasā kachiva̱li nathumwui vang khamathān eina ina seihā sai.

PHILIPPINAO 2:17

Nathumwui shitkasangwui pha̱kaphayā kachigatli iwui ashee heirorra jilala I ringphai, kala ina nathum saikorali mathānrumra.

PHILIPPINAO 4:1

Chieina ivānaobing, nathumli ina kayākha leishida honlikhala? Nathumna ili ringphā ngasaka kala nathumwui vang I mai kālaka. Mha, chithada Prohowui vang nganingtitki kajina.

1 THESSALONICANAO 2:19

Kaja ithumwui Proho Jishu kharā atamli awui mangāli ithumwui kachihān, ringkaphā khayuiwui lāngso khavai chi nathum maningla khangatei khipā leikhala?

1 PETER 2:10

Atam akhali nathum Varewui mi mangasāsamana, kha ara awui mibingna. Atam akhali nathum awui lukhamashan matheisāmana kha ara nathum theihaira.

1 PETER 2:25

Nathum yaonao thada ma̱zatsai, kha ara Yaokahoma kala Manglā Mayonkhame chili latunghaira.