LUKE 15:29 - Kathara Bible (BSI)

²⁹ Kha ana avāva̱li hānga, ‘Yanglu, ina nali kum hirankha otram ngatha̱mihaira kala nawui kahāng makailakranga; chithālala nana ili iwui ngasotnaobingli ngasoda ringphārum khavai menao akhala mataithatmilakranga.

LUKE 15:29 Iomraidhean Croise

ISAIAH 65:5

‘Nakhalatta ngateida pamlu, iwui ngalemli marālu, kaja I nawui eina ngateida haikahaina’ da hānga. Hikatha hi iwui nātangkhurli langpongda kachuiwui meikhutna.”

ZECHARIAH 7:3

kala saikorawui Prohowui shimli khalei pāngmonbing eina marānbingli ngahān khavai chihovāda hānga, “Zingkum hirankha ina sākharā hithāda, kachāng kaphangāli chapta khumluirala?”

MALACHI 3:14

Nathumna hānga, ‘Vareli otram khangatha̱ makānāmana. Awui kakaso khamayon kala saikorawui Prohowui mangāli chapkhangachā thāda kazatwui kaphā khi leikhala?

MATTHEW 20:12

hānga, ‘Rākhanaowa chi pung akhamang ot sai, laga langpongda zinghām sāririli ot kasā ithumli ngaraichā ngasakhaira.’

LUKE 15:28

Chi kashā eina ama chi malungvātnāhaida shimlungli makāngaiga jihaowa. Chieina avāva̱na shoksuiya.

LUKE 15:30

Kha nawui naomayarapā hina sopkhamasap sha̱naobingli ngasoda nawui lan sāmakanmihailaga hankhaung tharan nana awui vang asākakā seinao taithatmilamā!’

LUKE 15:7

Chithada sāda ina nathumli kahāngna, ning ngatei khavai makhalei khamashung khangaronga mi hangchikoda chikoli ngasokapamliva morei kaphunga mi akhana ning khangatei china kazingramli mathānmeikharra.

LUKE 17:10

Chi tākam eina nathumli kaso kahai saikora sākup kahai tharan ‘Ithum khikha masā khavai raobingna; ithumna ithumwui angalang chimāng sākahaina’” da hānglu.

LUKE 18:9

Khalatta khamashungana da kaphaninga kala mi saikorali machāpkhame athumlila Jishuna chānjam hi hāngchithei:

LUKE 19:21

kaja nali ngacheelaka, khiwui vangkhala kaja na sākashe mina; nawui makhaning chila nana khui, nana makhayao chila nana hātkhuiya.’

ROMNAO 10:3

Kaja athumna Varewui eina kharā mashungkhami chi matheimana, kha athum khalattawui apong phālaga Varena mashungkhami chili mamayāthuwa.

ROMNAO 3:20

Kachiwui vangkhala kaja ainwui otsak china mikumo khipālikha Varewui mangāli mashungkhami maleimana. Ainwui eina kashok chiya mikumona morei sāhaira da theikhui khangasakmanga.

ROMNAO 3:27

Chithākha ithumna khi langso khavai leili? Khikha maleilakmana. Khisāda? Ain khamayonwui vangla maningmana, kha shitkasangwui vangna.

ROMNAO 7:9

Atam akhali I ain mavaila okthuisai, kha ningkhami chi kharā eina morei ringluihaowa kala I thihaowa.

PHONGKHAMI 2:17

“Churchbingli Manglāna kahāng chi khanā kakaana nganākhuiranu! “Khayuia athum chili ina ngathum kahai manna mizāra; Ina kachara ngalung akhala mira, ngalung chiwuitungli aming kadhara akha kapisanghai. Aming chi samkaphangapa maningla khipānakha matheimana.

PHONGKHAMI 3:17

Nakhalatta ‘I shāngshuna, ringphāshuna, kala khavāt akhala meleimana’ da hānga kha na makathuka, khikha masā khavai, kachāma khangapeowa, kala kachon makhangavaiana kajiva matheimana.