LUKE 15:27 - Kathara Bible (BSI)

²⁷ Rao china hānga, ‘Nagato unghaira kala ka̱lākashi maleila samphangluishit kajiwui vang navāna asākakā seinao taithatmi.’

LUKE 15:27 Iomraidhean Croise

MATTHEW 22:4

Ana khangatei raobingli shivātluishitta hānga, ‘Ngahot kahaibing chili hānglu, Yanglu, ina ngazin phazātwui vang ngarānkuphaira, mukvāla asā kakā seinaola taithathaira, kala ot saikora ngarānkuphaira, ngalā shakzātwui zātkhānli rāserlu jilu.’

LUKE 15:26

Chieina ana rao akhali hokhuida, ‘Khi kasākhala’ da ngahāna.

LUKE 15:28

Chi kashā eina ama chi malungvātnāhaida shimlungli makāngaiga jihaowa. Chieina avāva̱na shoksuiya.

LUKE 15:30

Kha nawui naomayarapā hina sopkhamasap sha̱naobingli ngasoda nawui lan sāmakanmihailaga hankhaung tharan nana awui vang asākakā seinao taithatmilamā!’

OTSAK 22:13

Ana iwui ngalemli rānganingda hānga, ‘Ivānao Saul, namik theihaoranu.’ Atam chichangli ina kathei samphangluishitta ali thei.

OTSAK 9:17

Chieina Ananiasna vāda shim chili azanga kala Saulwuitungli pāng parrorda “Ivānao Saul,” da hānga, “nana kathei samphangluishit khavai kala Manglā Katharana pemtinghai khavai, na apam hili rākhavai zatta leilakha shongfali rākachitheia Proho Jishu china ili shirāt kharāna.”

PHILEMON 1:16

Ara a hi raona jilala raoli mataimeikhārda Khristawui lungli leikashe chinaongarā akha sāhaira. Iwui vanga a hi aman saklaka. Kala Prohowui lungli rao kala chinaongarā akha sāda a hi nawui vang aman kayākha sakmataimeirakhala!

1 SAMUEL 28:24

Preiva̱ china asākakā seinao akha keisāda, ana totot taithatkhui, kala chieina khawok makazang khamui sākhui,