LUKE 15:24 - Kathara Bible (BSI)

²⁴ kaja inaomayara hi thihairasai, kha ringluihaira; shimānhairasai, kha ara samphangluihaira.’ Chi eina athumna shaohāhā mana̱da ringkaphā eina phāshak phazāruma.

LUKE 15:24 Iomraidhean Croise

HAOKAPHOK 45:28

kala Israelna hānga, “Shaphaira; inao Joseph ringda lei; I mathiranglakha ali vāyangkhuira.”

ISAIAH 35:10

Kala Prohona ngatangkhui kahaibing laa sālaga Zionli latungra; ningli katang makhavai ringkaphā eina ngasoda, athumna ringkaphā khamathān samphangra; kakhanang sikafa thuihaora.

ISAIAH 66:11

chithāda awui ningkhalum na̱ chi nathum mangda ningyāng ungpaira; awui tekhamateiwui khavāt makhaleiwui eina nathumna ningyāngunglak eina kala chirchomri eina mangkhuipaira.

EZEKIEL 34:16

“Shimān kahaibingli ina phākhuira, kala pākthui kahaibingli ngakuikhuira, sheikasha̱bingli ngahāmira, khangazanbingli pangngasakra, kala asā kaphābing kala kapangabing chili mashun alungli phauira.”

EZEKIEL 34:4

Khangazanabingli nathumna pangkhavai masāmimana, kakazāli maraimimana, pheipāng katekali mangahāmimana, pākthui kahaibingli mangakuikhuimana, shimān kahaibingli maphavāmana; kha tandi milaga sāshilak eina athumli nganaowa.

MATTHEW 8:22

Kha Jishuna ali hānga, “Ithi shurlu, kathena athum khalattawui kathi chifa khavai haihaolu.”

MARK 8:22

Chiwui thili athumna Bethsaidali vai. Mi kaikhana khangapeo mi akha Jishuwuili khuirada awuitungli kasāza̱mi khavai poi.

LUKE 10:19

Yanglu, nathumli phara̱ eina seithattungli naizatshap khavai kala yangkashewui pangshapli yuishap khavai ina sāshap pangshap mihaira; khinakhala nathumli khamā mazararmara.

LUKE 15:23

kala asakakā seinao akha ashimenkhuilaga taithatlu, ithum phāshak phazāda ringphārumsa;

LUKE 15:25

“Chithada leilakha naomayara khararra chi luili leisai. Ana ungmamānda shim ungkhanganai eina laa kasā kala pheichak kasākhon shai.

LUKE 15:32

Kha hiya mathānda ringphārum ngayilak kahaina, kaja nagato hi thihairasai, ringluihaira; shimānhairasai, kha samphangluishithaira.’”

LUKE 15:4

“Nathumwui alungli khipana yao shākha leilaga, akha shimānhaiakha yao hangchikoda chiko chi lamhāngli haihailaga shimān kahai yao akha chi masamphangranglakha eina tangda maphāmarakhala?

LUKE 19:10

Kaja miwui Naomayarana shimān kahaibingli phākhuida huimi khavai kharāna.”

LUKE 9:60

Kha ana ali hānga, “Kathina athum khalattawui kathili chifaranu; kha nawui vanga, vāda Vare wungram chi vaomalānlu.”

JOHN 11:25

Jishuna ali hānga, “Iya ringkhaluia kala kharingana. Kachikathāna ili shitsangakha thihaisālala ringra;

JOHN 5:21

Avāva̱na kathebingli ringkhangasak thada Anaomayaranala ana ringngasakkhangaibingli kharing kaho chi mira.

ROMNAO 11:15

Athumli horkahai tharan Varewui yangkashe sākasā Gentilebingna awui khamashita ngasāhaowa, chithākha Varena athumli khuikasang tharan khi ngasāra! Kathebingna ringkhaluiwui ringkaphā thāhaora.

ROMNAO 12:15

Ringkaphābingli ringphā ngarumlu, kachapbingli chapngarumlu.

ROMNAO 6:11

Chithada sāda nathumla moreili thihailaga Khristawui mangā eina Varewuili ringda lei kaji phaningphalungra.

ROMNAO 6:13

Nathumwui phasā akai akhanida makaphā-makhayāli ya majihaialu. Kha kathiwui eina kharingli khuiung kahaia mi thada nathum khalatta Vareli milu kala nathumwui phasā katonga khamashung otwui vang shichin khavai Vareli mayālu.

ROMNAO 8:2

Kaja Khrista Jishuwui lungli ithumli kharing khame Manglāwui ain china moreiwui kala kathiwui eina ili ningkhān ngasakhaira.

1 CORINTHNAO 12:26

Phasāwui akai akha kazākha saikora chotruma, akai akhali khayākashi miakha saikora mathānruma.

EPHESIANAO 2:1

Kharekachāng kahāng makhanganāwui vang kala morei kasāwui vang nathum manglārinli thida leisai.

EPHESIANAO 2:5

chiya kahāng manganāmada manglārinli thikasāwui eina Khristali ngasoda ithumli ana ringngasakmi. Awui lukhamashana nathumli huimi.

EPHESIANAO 5:14

kaja kachikathā ot chi mathingrik eina phongkashok tharan theipaiserhaowa. Chiwui vang hithada hānga. “Ngakarthuilu, he kape, kathiwui eina ngakarthuilu, Khristana nawuitungli hormira.”

COLOSSIANAO 2:13

Moreiwui vang kala ain makhangavā miyur ngasāsāhaoda nathum atam akhali manglāwui pongli thida leisai. Kha ara nathumli Varena Khristawui mangā eina ringngasakhaira kala ithumwui morei saikorala pheomihaira.

1 TIMOTHY 5:6

Kha akhalatta ringphā khavai kasāva̱ a chiya ringlala kathina.

JUDE 1:12

Athumwui khamarip china ngarumsakwui morsonli nathumli maishi ngasakta hamak neokhami kathāna. Athumna athum khalattawui vangmāng phaninga. Athum chi zingrot makazang muiyā masina phankazat kathāna. Athum chi māthei kachāng eina tangda athei makhamathei kala angayung phurshoklaga thichao kahai thingrong kathāna.

PHONGKHAMI 3:1

“Sardis churchwui kazingraoli kapilu; “Varivarawui manglā shini, sirā shini kasinga chiwui paona. Ina nawui otsak theisera, na ringdalei kaji amingli leilala na thihaira.