LUKE 14:21 - Kathara Bible (BSI)

²¹ “Chieina rao china latungda ali kahāng saikora chi awui akhavāli unghāngsera. Pao kashā eina shimva̱ malungvātlakhaowa. Chieina araoli hānga, ‘Thakta keinungwui shongrei-shongrāli vāda kachāmbing, khangazanbing, khangapeobing kala katekabingli ahokhuilu.’

LUKE 14:21 Iomraidhean Croise

LAA 2:12

apheili maya̱lu, maningakha a malungvāthaida, nathum kashuirak thipaishina; kaja a malung thuithaklāka. Ali ngayinkakhuibing sokhamina.

LAA 38:7

Kaja ikashan mei kachui thāda pemhaira, iphasāli kaching maleilakmana.

ISAIAH 33:23

Nathumwui khānghuira̱ jathaira; phungva̱li makhalappaithura marikhong kachon mahārpaithura. Chitharan otla, kashai-kashakla tuimataida ngayar ngarokra; sheikasha̱bing eina tangdala ngaponkhuira.

ISAIAH 35:6

Phei kathākana chaonao thāda ngalongra; khangasha̱bingnala male eina laa sāra. Kaja lamhāngwui eina tara̱ shokra, kala siwukli kong longra.

JEREMIAH 5:1

Jerusalem chānreili yongshang yongtāda yanglu, laga chukkhuilu! Kayāngkharei hupvali phāyanglaga, mashun eina kasā mi, khamashung phākazat mi akha leisākha, ina pheomira.

ZECHARIAH 11:11

Chithang eina thuida arema sāhaowa, kala yao leihkhalonbingna ili yanglaga hi Prohowui tuina da thei.

ZECHARIAH 11:7

Chieina I leihkhalon athumwui vang sāthatki kaje yaobingli kahoma ngasāhaira. Kala ina khāmshui khani khuiya; akhale aming Lukhamashan hoi kala akhapale Khokkha hoi. Kala ina yaobingli homa.

MATTHEW 11:28

“Iwuili rālu, kachota kala otphun kharit kaphungbing saikora; ina nathumli ngasāmkhui ngasakra.

MATTHEW 11:5

mik khangapeobingna kathei samphanga, phei katekbing zatpaihaira, phārrei kakazābing tharhaira, khangakhokbing shāpaihaira, kathebingli ringngasakhaira kala kathai kachāmbingli paokaphā hāshokmihaira.

MATTHEW 15:12

Chiwui thili sākhangatha̱bingna ali rāhānga, “Nawui kahāng chi Phariseebing ning sāza̱haowa da na matheikhala?”

MATTHEW 18:31

Awui rao ngasotnao kateibingna chi kathei eina wukkhananglakhaowa, kala athumna athumwui akhavāli shokkahai saikora chi ahānga.

MATTHEW 20:7

Athumna ngahānkai, ‘Khipānakha mahothuwa.’ Ana athumli, ‘nathumla drakhā yāmguili ot vāsālu’ da hānga.

LUKE 14:13

Kha nana phākachizāt tharan kathai kachāmbing, khangazanbing, pheikatekbing, khangapeobingli holu.

LUKE 14:20

Khangatei akhanala hānga, ‘I ngalā shakzākhuichamda lei, chiwui vang eina I marārarmarali.’

LUKE 14:22

Rao china hānga, ‘Amei, nana kaso kahai chi sāserhaira, kha aruila mi kachungkha zangpaifarali.’

LUKE 14:24

Ina kahāngna kaja hokahaibingwui ngachaili mi khipānakha iwui zātkhān hili khamazap masamphangluimara.’”

LUKE 24:47

Kala awui ming singda nathumna Jerusalem eina thuida miyur saikorali ningngateida morei pheokhavai pao hāshokra.

LUKE 9:10

Paokazatabingna latkhaung eina athumna sākahai saikora ali unghānga. Kala Jishuna athumli thānphungda Bethsaida kaho keinung chili angasāma.

JOHN 9:39

Jishuna hānga, “Ina okathuili bichar sākhavai kharāna. Chieina mik khangapeobingna kathei samphangra kala katheibingna ngapeohaora.”

HEBREWNAO 13:17

Kathānabingwui kahāng nganāda athumwui thi shurlu. Athumwui otsak Vareli chitheiki jihaoda khangasām maleila athumna nathumwui manglāli yangmichingra. Nathumna kahāng nganaakha, athumna athumwui ot chi mathānthathup sāra, chi maningakha, athumna kakhanang eina sāra, chi nathumwui vang khikha kānkhanā maleimana.

HEBREWNAO 2:3

Hiyākha kahaka huikhami hili ithumna manganāsangla kathada yāmshokpairakhala? Khareli Prohona huikhami hi hāngmi. Kala kashābingna chi mashunga da shākhi mihaira.

JAMES 2:5

Nganāmilu, leikashiya ivānaobing, Vareli leikashebingli ana ngashitmi kahai wungram chiwui shimluikat kala shitkasangli kashānga mi ngasā khavai okathuili kachāmabingli Varena kapangkhui.

PHONGKHAMI 19:15

Miyurbingli maikashi mikhavai akhamorwui eina kazana raighai shoka. Ana mari-khāmshui eina mungra, kala khamunga Varivarawui malungkhavāt surkhui khavai chili ana naikazamra.

PHONGKHAMI 22:17

Manglā kala Khām kahaiva̱ china “Rālu” da hānga. Nganāda khalei mi kachiva̱nala “Rālu” da hāngranu. Ra̱kachanga mi china rāranu, ningkachānga a china kharingwui tara̱ chi aman mamila rāmangkhuiranu.

1 SAMUEL 2:8

Ana kachāmali chifawui eina khāngkhui, khavātali hotlāwui eina khāngkhuida, athumli wungnaobingli thuingaren ngasaka, kala maikhayā pam samphang ngasaka. Kaja okathuiwui pakra̱bing Prohowuisera, kala chiwuitungli ana apuk-apagva̱ khaningkai.

1 SAMUEL 25:12

Chieina Davidwui yaronnaobingna thuihaowa, kala latungda ali unghāngsera.