LUKE 14:13 - Kathara Bible (BSI)

¹³ Kha nana phākachizāt tharan kathai kachāmbing, khangazanbing, pheikatekbing, khangapeobingli holu.

LUKE 14:13 Iomraidhean Croise

2 SAMUEL 6:19

kala chili khalei Israel katongali, sha̱nao mayarnao mateila khamuihāng akharip, sā marimkharip da yaowa. Chiwui thili mibing kachichā shimli ungserhaowa.

2 THOTRINCHĀN 30:24

Kaja chigat khavai Judahwui awunga Hezekiahna mukkā thingkha, yao thingshini yaruili mi, kala wungnaobingnala mukkā thingkha kala yao thingtharā kazip chili mi. Chiwui vang pāngmonbing kachungkha tharmathengluishita.

NEHEMIAH 8:10

Chiwui thili ana athumli hānga, “Kachichashi shimli ungda athao ungshailu kala kashima drakhāra̱ ungmanglu kala kazā khamang khangarān makasābingli yar sālu; kaja aja hi Proho wui vang tharkhamatheng zimikshona; wuk makhanangalu, kaja Prohowui khamathān hi nathumwui pangshapna.”

NEHEMIAH 8:12

Chieina mi saikorana phāshak phazā khavai kala makhaleibinglila yar chihovāda lumlao khavai ungserhaowa, kaja athumli kahāng tui chi athumna theishingkhui.

JOBWUI LAIRIK 29:13

Thihaoki kaji miwui sokhami ili tāshungmi, kala ra̱meiva̱wui ningli khamathānwui vang ina laa sāngasaka.

CHĀNSAM 14:31

Kachāmali kachipata mi china awui Kasā akhavāli zeikakharuina, kha mili lukhamashan chi ali khayākashina.

CHĀNSAM 22:9

Mili yangmikathale somira, kaja kachāmali awui kashakazā ngayarzai.

ISAIAH 58:10

kathai miwui vang nakhalattana heishokmiakha, kala kakhanangawui ningkachāng chi ningyāng ungmiakha, tangkhamang lungli nawui kahor shokra, kala nawui ningkachot ngashunshong thāhaora.

ISAIAH 58:7

Kathaia mili nawui zāt ngayarmi khavai, shim makhalei kachāmali nawui shimli hokhaung; khamahongali kathei tharan, ali farormi khavai, kala nawui athei-asāwui eina nakhalatta mangathum khavai maningmala?”

MATTHEW 15:30

Mi kachungkhana phei katek, mik khangapeo, khak khangasha̱ kala khangatatei kachungkha khuirāda Jishuwui mangāli rāhai kala Jishuna athumli raimi,

MATTHEW 22:10

Chieina raobing china shongfa kachida vālaga kaphāla kashila samkaphaphang saikorali kazipkhuilaga thānunga, kala ngalā shakazāli kharābing china shim chi puihaowa.

LUKE 11:41

Kha alungli khalei chi kachāmabingli milu, chithākha nathumwui vang ot saikora thara.

LUKE 14:12

Chiwui thili Jishuna shimva̱ chilila hānga, “Nana ngathor phazātli nilala, ngazin phazātli nilala, phāchizātka jiakha nawui ngasotnaobingli nilala, nachināngarāli nilala, athei-asābingli nilala, kashānga khongnainaobingli nilala mahoalu, kaja athumnala nali hokhuida nana sāmi kahai chi runhaipai.

LUKE 14:14

Chithākha nali somira; khiwui vangkhala kaja athumna nali marunrarmara. Kha mashunkasā mibingna ringshokthanghon nali Varena runmira.”

LUKE 14:21

“Chieina rao china latungda ali kahāng saikora chi awui akhavāli unghāngsera. Pao kashā eina shimva̱ malungvātlakhaowa. Chieina araoli hānga, ‘Thakta keinungwui shongrei-shongrāli vāda kachāmbing, khangazanbing, khangapeobing kala katekabingli ahokhuilu.’

OTSAK 9:39

Chieina Peterna athumli ngasovai kala ana vākashung eina athumna khamato kāli khuikai. Ra̱meinao saikorana Dorcasna athumli ngasopamlakha sākhami kashankachonbing chi ali chitheilaga awui ngalemli rāchapa.

KHALATLUI 14:29

kala nathumwui keinunglungli khalei shimlui masamkaphanga Levinaobing, kha̱minao, marānao, ra̱meinaobing, athumli mizālu. Chithākha nathumwui otsak kachiva̱li Proho nathumwui Varena nathumna kasasā-khavavā kachiva̱li somira.”

KHALATLUI 16:11

kala nathumna Proho nathumwui Varewui mangāli, na eina nanaomayarabing kala nanao ngalāva̱bing, nawui rao mayarnao eina raosha̱nao, nathumwui keinunglungli ngasokapama Levinaobing, kha̱minaobing, marānao, kala nathumli ngasokapama ra̱meinao, Proho nathumwui Varena amingwui vang kapangkhuiki kaji apam chili ringphāngarumra.

KHALATLUI 16:14

phanit hili na kala nanaomayara kala nanao ngalāva̱, nawui rao sha̱nao eina mayarnao, Levinaobing, ngasokazat kha̱mi, marānao, kala ra̱meinao nathumwui keinungli khaleibing ringpharumra.

1 TIMOTHY 3:2

Chieina churchwui kathāna kasāpā chiya sui makakā, preiva̱ akhamāng kaje, ngarakzak kahaiya, khalatta ngarinkatha, khayākakā, kha̱mimāli ngahānkatha, tamchiteikatha ngasāphalungra.

1 TIMOTHY 5:10

kala kaphā otsak kasava̱; misui morei makaphungva̱, nao nganaokatheiva̱, shitkasangbingli phei pheokhamiva̱, kakhanangbingli ngachonkhamiva̱ kala kaphā ot kasāli ningkasangva̱ ngasāphalungra.

TITUS 1:8

Kha kha̱mimāli ngahānkatha, kaphā sākhangaia, khalatta ngarinkatha, khamashunga, kathara chamsin katheia sāphalungra.

PHILEMON 1:7

Leikashiya ivānao, nawui leikashi china ili tarākha khamathān kala kakatom miya, kaja shitkasangbing saikorali nana ning ringphā ngasakhaowa.

HEBREWNAO 13:2

Kha̱mi-mā ngahān kathei eina kaikhana matheila kazingraoli zunkhui ngasakhaira.