LUKE 14:10 - Kathara Bible (BSI)

¹⁰ Kha nali kaho tharan zakkashi apamli apamlu, chithākha kaho akhavā china kharā tharan nali ‘Itao, mathākhamei pamvāk apamsa’ da rāhāngpai. Chitharan nali ngasoda phazākharumbingwui mangāli nali maiyā ngasaka.

LUKE 14:10 Iomraidhean Croise

CHĀNSAM 15:33

Proholi khangachee hi thangkhamei tamkachitheina, kala khangahuina khayākakā samphangngasaka.

ISAIAH 60:14

Nali rekakharekbingwui naomayarabing nali ngahamlaga rāra, kala nali ningkakachai saikorana napheizingli ngakhumsangda rākhorumra; athumna nali Prohowui keinung hora, Israelwui Katharapawui Zion hora.

PHONGKHAMI 3:9

Yanglu, Jehudina jilaga akachanga Jehudi makhaning, kha kakapika, Satanwui synagogueli khaleibing athumli nawuili rāngasakta napheizingli ngakhumzang ngasakra, kala ina nali leishiya kaji theingasakra,

1 SAMUEL 15:17

Kala Samuelna hānga, “Nakhalattawui mikyanli na khikha maningmana da theilala, na Israel shangbingwui akhavā maningmala? Prohona nali Israelwuitungli awunga sākhavai thao neomihaira.