LUKE 13:4 - Kathara Bible (BSI)

⁴ Lha Siloamli dolanshim tektāda tākthat kahai mi tharāda chishat chi aja Jerusalemli panda khalei mibingli yonmeikhara da nathum phaninglā?

LUKE 13:4 Iomraidhean Croise

1 WUNGNAOBING 20:30

Kataibing china Aphek keinungli yāmvai; kala taikahaibing chi thingmaga̱ da shini phākhona minrorhaowa. Ben-hadadla yāmhaowa, kala keinungwui shimlung akhali azanghaowa.

NEHEMIAH 3:15

Colhozehwui nao Shallum, Mizpah luiramli khamunga china Ura̱ Ngavei chiphoi; ana sakāluida ngaveimithai kala khāmongla sāsanglaga lonkhavaila, veiruihaila sāsangsera; kala ana awungawui yāmguili khalei Shelah Ra̱khongwui phākhola ana sāda, Davidwui Keinung eina tākhavai chonchak vāshunga.

JOBWUI LAIRIK 1:19

yanglu, lamhāngwui eina siphan panglāk eina phanungda shim chiwui achithek matili ungngaphita china naongarābingli tākrorda athum thiserhaira; kala pao hi mikhavai imāng ngathikashokna.”

ISAIAH 8:6

“Khikhalajila chingri eina khalonga Shiloahwui tara̱ mibing hina khalanhaowa, kala Rezin eina Remaliahwui naomayarawui mangāli khangacheena menga;

MATTHEW 18:24

Ana hishap sāphokcham kaji tharan lupā thingthara kashuka mi chili awuili khuirai;

MATTHEW 6:12

Ithumli khayonkhamāng kasābingli ithumna pheomi kahai thada, Ithumwui khayonkhamāngla kapheomilu;

LUKE 11:4

kala ithumli ithumwui morei pheomilu; khikhalajila ithumli khayon kasā mi kachiva̱li ithumna pheomi; kala ithumli kasuili mathānzangmialu.’”

LUKE 13:3

Maningphutmana! Ina nathumli kahāngna, nathumla ning mangateiakha chithada shimānra.

LUKE 13:5

Maningphutmana! Ina kahāngna kaja nathumla ning mangateiakha chithada shimānra.”

JOHN 9:11

Ana ngahānkai, “Jishu kaho china imikli leipā kateokha neomilaga Siloam ra̱khongli apheotāhaolu, da hānga. Chieina ina vālaga apheotākhaleoda theihaowa.”

JOHN 9:7

kala hānga, “Siloam (hiwui kakhalata chihokhava kajina) ra̱khongli apheohaolu.” Chieina ana apheotāhailaga amik theida ungrārāsai.

OTSAK 28:4

Aramnaobingna apāngli phara̱ kāngkhayui chi theilaga athum akha eina akha ngazek ngaroka, “Mashoilakla mayara hi mi shaokathatara. Ana shamadruwui eina yāmshokhailala, mashun china ali maring ngasakmara.”