LUKE 13:35 - Kathara Bible (BSI)

³⁵ Yanglu, nathumwui shim choda haimihaira kala ina nathumli kahāngna, nathumna ‘Prohowui mingli kharā mi chi sokhami ngasāranu’ da mahāngranglakha eina tangda nathumna ili matheiluimara.”

LUKE 13:35 Iomraidhean Croise

LAA 118:26

Prohowui mingli kharā mi sokhami ngasāranu! ithumna Prohowui shim eina nathumli somi.

LAA 69:25

Athumwui rāmrah ngachakyānghaoranu, athumwui kachonshimli mi khipākha mapamranu.

ISAIAH 52:7

Phungreitungbingli paokaphā khuikaphunga chingri kahai vaomalānkhame, khamathāwui paokaphā khuikaphunga, huikhami vaomalānkhame, Zionli “Nawui Varena munga” da kahānga awui phei kayakha mathado.

JEREMIAH 22:5

Kha nathumna tui hi manganākha, I khalattana shākhi sāda kahāng hina, kaja shim hi machohaora da Prohona hānga.”

JEREMIAH 35:17

Chiwui vang eina, Israelwui Vare, saikorawui Prohona hithāda hānga: Yanglu, ina kalākashi hāngkahai saikora chi Judahwui mibing kala Jerusalemli khaleibingwuitungli khuirāra; khikhalajila ina athumli hāngkahai chi athumna manganāsangmana, ina athumli hohaira kha mangahānkāmana.”

MICAH 3:12

Chiwui vang eina, nathumwui vang eina Zionli lui kasao thāda saora; Jerusalem katek-kakai khorkahai thāra, kala khorumshimwui kaphung chila ngahong kashā ngasāhaora.

ZECHARIAH 12:10

“Davidwui shimkhurli kala Jerusalemli kapamabingli ina lumashankathei eina seihā sākatheiwui manglā heirormira, chieina athumna rungthat kahaiapā chili khayang tharan athumna naoho-naotongli chapkhangachā thāda chapngachāra, kala naochizai thikahai thāda ningchotlak eina chapra.

ZECHARIAH 14:2

Kaja Jerusalemli rai sākhavai yur saikorali ina kazipkhuira, kala keinung chi khuithuihaida, shimla ngaponkhuira, sha̱naobingla sākhamāngmihaora; keinung tangkhai raikathāli vāhaora, kha taikahaibing chili keinungwui eina makatatmara.

MATTHEW 21:9

Jishuwui mangāli kala khanukli kazata mibingna “Davidwui naomayarali Hosanna! Prohowui mingli kharā a chi ka̱lā mahai! Chuimeikap kajeli Hosanna!” da panglāk eina vaowa.

MATTHEW 23:37

“O Jerusalem! Jerusalem, marānbingli shaothata kala nawuili chihokharābingli lunggui eina horthata! Ina nawui naongarāli harva̱na anaoli angachangzingli kapum thada pumkhami kayākha shirakhala, laga chi nana masā ngasakmana.

LUKE 19:41

Ana vānganaimeida keinung chi akathei tharan keinung chiwui vang khanangda chaplaga hānga,

LUKE 21:24

Athum kaikhali raighai eina shātthatra, khangateibingli narkahai rao sāda yur saikorali khuivāra; kala yur khangateibingna Jerusalemwuitungli naikazamra.”

JOHN 12:13

Chieina athumna khaneinā singlaga Jishuli samphang khavai vai, kala “Hosanna! Prohowui mingli kharā Israelwui Awungali ka̱lā mahairanu” da vaowa.