LUKE 13:34 - Kathara Bible (BSI)

³⁴ “Iyavo, Jerusalem! Jerusalem! Marānbingli shaokathata keinung, kala nali chihokharābingli lunggui eina horkathata! Ina nawui naongarabingli harva̱na anaobingli angachangzingli kazipkakhui thada kayākhashira, laga chi nana mamayāmana!

LUKE 13:34 Iomraidhean Croise

NEHEMIAH 9:26

“Chithālala athumna kahāng manganāmada nali ngakaishilaga nawui ain nothahaowa kala nali hanung khavai hāngkhamathin nawui marānbinglila shaothata, kala kachipat ot kachungkha sai.”

NEHEMIAH 9:30

Kum kasāngkha nana athumli yangmi, kala nawui Manglānala marānbingli hāngmathin ngasaka, kha athumna manganāsangmana. Chiwui vang ngalei chiwui mibingwui pāngli nana horsangmi.

LAA 149:2

Israelna ali kasaali mathānranu! Zionwui mibingna athumwui Awungali mathānranu!

LAA 17:8

Namikna yangkhangai akha ngasāda ili mayonmilu, nawui angachāng khaya̱li ili thummilu,

LAA 36:7

O Vare nawui makhangachei leikashi aman kayākha sakkhala! Miwui naomayarana nawui angachāng khaya̱li ngayinkhui.

LAA 57:1

Ili khalumashanmilu, O Varivara, ili khalumashanmilu, kaja imanglāna nali ngayina; nawui angachangwui khaya̱li, sākashimāna siphan zingrot mavānranglakha eina tangda, ina ngayinra.

LAA 81:13

Iyavo, iwui mibingna iwui kahāng nganāsasi kaje, Israelna iwui apongli zatsāsi kaje!

LAA 91:4

Pheimareng eina ana nali farormira, kala angachāng zingli nana ngayin khavai samphangra; awui ningkatong hi chāngvei kala shānneira̱na.

ISAIAH 30:15

Kaja Israelwui Katharapa, Proho VAREna hithāda hānga, “Latungda khangasāma nathumli huimira; va̱ri kahai kala shitkasang chi nathumwui yāng ngasāra”.

ISAIAH 50:2

“I kharā tharan chili khisāda mi maleisāthu? Kaho tharan chili ngahānkā khavai khipākha maleithu? Ipāng sha̱nāhaida mahuimirarmara jihaola? Maningakha huimi khavai I pangshap maleithula? Yanglu, ina kakahar eina shamadru thengshapa, kongbingla siwuk sāngasaka; tara̱ khavātwui vang athumwui khaih nganamshishuna, kala ra̱kachang eina thiya.

JEREMIAH 2:30

Nanao ngarāli aremali ina shaowa, athumna mashungkakhui malei; kazingkha̱ sākashi thāda, nathum khalattawui raighaina nathumwui marnbingli mayuisanga.

JEREMIAH 26:23

kala athumna Uriahli Egyptwui eina atukkhuilaga khuiungda Awunga Jehoiakimna raighai eina yorthathaowa kala awui asa yaruiwui chikhurpamli chifahaowa.

JEREMIAH 35:14

Rechabwui nao Jonadabna drakhāra̱ mamangpaimara kaji mayona, aja eina tangda athumna drakhāra̱ mamangmana, kaja athumna avāva̱wui kahāng nganāchaowa. Ina nathumli hāngchinga, kha nathumna makhuisanglakmana.

JEREMIAH 35:17

Chiwui vang eina, Israelwui Vare, saikorawui Prohona hithāda hānga: Yanglu, ina kalākashi hāngkahai saikora chi Judahwui mibing kala Jerusalemli khaleibingwuitungli khuirāra; khikhalajila ina athumli hāngkahai chi athumna manganāsangmana, ina athumli hohaira kha mangahānkāmana.”

JEREMIAH 6:16

Prohona hithāda hānga: “Shongfa ngalemli nganinglu, kala yanglu, kala achālakhawui shongfa khamathā ngahānkhuilu; kala chili zatlu kala namangla khangasām samphang khavai sālu.” Kha athumna, “Ithum chiwui alungli mazatlakmara!” da hānga.

CHAPCHĀT 1:16

“Hibingwui vang ina chapta imikli chāra̱ longtai; kaja yangdhar chishotmi khavai, ninglumi khavai iwui eina katāva̱ thuihaowa, iwui naomayarabing ngachakyānghaira, kaja yangkashena yuihaowa.

CHAPCHĀT 4:13

Awui alungli khangarongwui ashee tākhangasaka marānbingwui morei, pāngmonbingwui khayonkhamāngwui vangna.

HOSEA 11:2

Ina athumli chungmeida ho, athumna iwui eina tāmeimamānda yāma; athumna Baalli pha̱phayāpama, kala meoma̱li nganamkaphā riktāpama.

HOSEA 11:7

Iwui miyurna iwui eina yāmphalungra jihaowa, chiwui vang eina athumli kashai phungngasaka, kala khipānakha makhuitāmimara.

JOEL 2:23

“Mathānlu O Zionnaobing, kala nathum Vare Proholi ringphālu; kaja nathum ringkhavai thaklāk eina kazing romihaira, nathumwui vang makhavāta zingrot rotāmihaira; zingrot khare, zingrot khanao khangachā tākam eina.

ZECHARIAH 1:4

Marān kharebingna, ‘saikorawui Prohona hithāda hānga, Nathumwui makaphā shongfa kala makaphā otsakwui eina latunghaolu, da machin kahai navā ngarāwui thāda masālu.’ Kha athumna mashāmana kala manganāsangmana, da Prohona hānga.

MATTHEW 22:3

ana awui raobingli shakazāwui zātkhānli rākhavai ngahot kahaibingli hokhavai shivātvai, kha athumna marāngaiki jihaowa.

MATTHEW 22:6

khangatei raobing kaikhali athumna tukkhuilaga zakshilāk eina shaomi kala sāthathaowa.

LUKE 15:28

Chi kashā eina ama chi malungvātnāhaida shimlungli makāngaiga jihaowa. Chieina avāva̱na shoksuiya.

LUKE 19:44

Athumna nathumli kala ngaveilungli leikasā naongarā saikora shimān ngasakra; lunggui akhawuitungli lunggui akhala maleiluimara, kachiwui vangkhala kaja Varena nali huikida kharā atam nana matheimana.”

LUKE 23:28

Kha Jishuna athumli ngareiungda hānga, “Jerusalemwui naongalāva̱bing, iwui vang machapalu, kha nathum khalattawui vang kala nanaongarāwui vang chaplu.

OTSAK 7:52

Navā wongarāna marekakharek marān khaleisāla? Khamashunga rao rāki kajiwui tui hāngkhame Varewui paophungabinglila athumna sāthata. Khamashunga rao chili nathumna yansaida shaothathaira.

OTSAK 7:59

Athumna Stephenli lunggui eina horda leilakha Stephenna, “Proho Jishu, iwui manglā kakhuimilu” da seihā sai.

OTSAK 8:1

Kala ali sākathat chi Saulnala mayai. Chithang Jerusalemli khalei churchli sākashi kachotkachāngwui rekakharek haophokhaowa. Chiwui vang paokazatbing maningla khangatei saikora Judea eina Samariawui apam saikorali ngapha̱yāng yāmvāhaowa.

KHALATLUI 32:29

Athumna thangmeisāsi kaja, athumna hi bhap tāra, anaolamshong katharakhala kaji theira!

KHALATLUI 5:29

Athumwui ning hithachingda ili khangachee eina ningkhami mayonsersi kaja athumwui vangla, ara̱-azāwui vangla, kayākha phāra̱khala!

PHONGKHAMI 11:8

Kala aniwui angun chi athumwui Proholi shaothat khavai apam, kahaka keinung chiwui chānreili haira. Khudam eina kaho keinung chili Sodom eina Egypt hoi.

RUTH 2:12

Nana sākahai chiwui vang Prohona nali runmiranu, kala nana ngayinkhuikida angachāngli yāmkasanga Israelwui Vare Prohona sāman peichaoda miranu!”