LUKE 13:25 - Kathara Bible (BSI)

²⁵ Shimva̱na ngakarthuilaga akhashida khamong ta̱kkahai tharan nathumna kayāngli nganingda khamong kakunglaga, ‘Amei, ithumli shomilu’ da hāngra. Chieina ana nathumli ‘Nathum kachiwui eina kharākhala, I matheimana’ da ngahānkāra.

LUKE 13:25 Iomraidhean Croise

HAOKAPHOK 7:16

Varena kakaso athishurda phasā khavai yur saikorawui avā eina ava̱ kātong kahai eina Prohona khāmong shungmihaowa.

LAA 32:6

Chiwui vang shitkasanga mi kachiva̱na nali seihā sāranu; kakhanang atamli, tara̱ kaphong atamli athumna ali marāza̱rarmara.

ISAIAH 55:6

Samphangpailakha Proholi phālu, nganailakha ali ngakaolu;

MATTHEW 25:41

“Chiwui thili awui uishong khaleibing chili ana hāngra, ‘Khonshi kahaibing, nathum iwui eina thuihaolu kala chipee eina awui kazingraobingwui vang ngarān kahai katang makhavai meifa chili vāulu;

LUKE 13:27

Kha ana, ‘Ina kahāngna, nathum kachiwui eina kharākhala da I matheimana; iwui eina thulu, He makaphā makhayā ot kasābing’ da hāngra.

LUKE 3:8

Ning khangateiwui ngarakzak kahai athei mathei ngasaklu kala nathum khalatta ‘Ithumwui avāva̱ Abraham lei’ da mahāngalu, kaja ina nathumli kahāngna, ngalungbing hiwui eina Varena Abrahamli nao kachungkha semmishapa.

LUKE 6:46

“Ina nathumli kakasopā masālaga khisāda ili ‘Proho, Proho’ da kahokhala?

2 CORINTHNAO 6:2

Kaja Varena hānga: “Khuisangmikapai atamli nathumwui tui shāmihaira; huimi khavai zimiksho kharā tharan nathumli ngachonmihaira.” Yanglu, arui khuisangmikapai atamna; arui huikhami zimikshona!

HEBREWNAO 12:17

Nathumna thei kaja naoda ana avāva̱wui sokhami chi ningchāngda samphanglui khavai phālala ali khalanhaowa, kaja ana chāra̱ tāda kahaolala ningngatei khavai atam masamphangluimana.