LUKE 13:16 - Kathara Bible (BSI)

¹⁶ Chithākha Abrahamwui naongalāva̱ kashokva̱li Satanna kum tharāda chishat narkahaiwui eina sabbaththang machihomingayimala?”

LUKE 13:16 Iomraidhean Croise

LAA 107:14

ana athumli tangkhamangwui eina khuishokmi, kala athumli narkahai eina khalāmi.

MATTHEW 4:10

Chieina Jishuna ali hānga, “Thulu, Satan! Kaja hithada kapihaida lei, ‘Nana Proho nawui Vareli khorumphalungra, kala amāngli otram ngatha̱ki kajina.’”

MARK 2:27

Kala ana athumli hānga, “Sabbath hi miwui vangna, mi hi Sabbathwui vang sākahai maningmana;

LUKE 16:24

Chieina ana hānga, ‘Avā Abraham, ili khalumashanmilu kala Lazarusli awui pāngmarengnao chi tara̱ simkhuilaga imale hili kharāmakuimi ngasak khavai chihotāmilu kaja I meilung hili chotnāhaira.’

LUKE 19:9

Chieina Jishuna ali hānga, “Mipā hila Abrahamwui ara̱-azā ngasahaoda aja shimkhur hili huikhami rāshunghaira.

LUKE 3:8

Ning khangateiwui ngarakzak kahai athei mathei ngasaklu kala nathum khalatta ‘Ithumwui avāva̱ Abraham lei’ da mahāngalu, kaja ina nathumli kahāngna, ngalungbing hiwui eina Varena Abrahamli nao kachungkha semmishapa.

JOHN 8:44

Nathum nathumwui avāva̱ chipee chiwuina, chieina nawui sākhangaiva nathumwui avāwui ningkachāng kasā china. Haokaphokwui eina a mi khayumana, kala khamashung ot masālakmana, kaja awuili khamashung maleimana. Kakapik hi awui khangachāna, kaja a kakapikana kala kakapik saikorawui avāva̱na.

OTSAK 13:26

“Ivānaongarā, Abraham shimkhurwui naobing kala nathumwui ngachaili Vareli khangacheebing, huikhami chānpao hi ithumli shirātrāmihaira.

2 TIMOTHY 2:26

Chieina athumna ning phākhuida, chipeena rao sākhavai tuknar kahaiwui eina athum yāmshokpaira.