LUKE 12:8 - Kathara Bible (BSI)

⁸ “Ina nathumli kahāngna, kachikathāna ili mibingwui mangāli phongshar eina hāngphatakha, miwui Naomayaranala ali Varewui kazingraobingwui mangāli phongshar eina hāngphatra,

LUKE 12:8 Iomraidhean Croise

LAA 119:46

awungabingwui mangāli ina nawui ningkhamila matuira, kala mai mashi ngasakmara;

MATTHEW 8:20

Chieina Jishuna ali hānga, “Ramfawui akhurla lei, khamasaili yongkazata vānaobingwui athipla lei, kha miwui Naomyarawui ngayaizangda ngasāmkhui khavai apam akhala maleimana.”

LUKE 15:10

Chithada sāda ina nathumli kahāngna, morei kaphunga akhana ning khangatei chitharan Varewui kazingraobingna ringphā mathāna.”

2 TIMOTHY 2:12

Ithumna khāngakha, ithumla ali ngasoda mungra. Ithumna ali mamayākha ithumlila ana mamayāmara.

1 JOHN 2:23

Anaomayarali makhamayā mi chi Avāva̱lila mamayāmana. Anaomayarali khamayā chi Avāva̱lila mayai.

PHONGKHAMI 2:10

Nathum khanangki kaji khikhikhawui vang mangangalu. Yanglu nathumli chāng tamyang khavai chipeena kaikhali phātop sangra; kala tharāthangwui vang kakhanang samphangra. Kathi eina tangda ili shitsangmalu; Ina kharingawui kuihon mira.

PHONGKHAMI 2:13

Ina nawui pamkhavai thei; chi Satanwui wungpamkhonglina. Chithālala iming nana singtita, nana iwui kahāng nganai kala Satanna kapam apam chili shākhi khame ili ningkatonga Antipasli sākathat tharan nana ili shitkasang mangacheilakmana.

1 SAMUEL 2:30

Chiwui vang Israelwui Vare Prohona hangdalei: Nawui shimkhur kala navāwui shimkhurna iwui mangāli katang mavaila kashok-kazang yangmichingra da ina ngashithairasai; kha ara Prohona hānghaira: Chi iwui eina katāva̱li leiranu; kaja ili khayākashi mili inala maiyā ngasakra; ili khayākashi mi chili inala khayā shira, ili ningkakachaiya saikorali ina khonshira.