LUKE 12:59 - Kathara Bible (BSI)

⁵⁹ Ina nathumli kahāngna, nathumna shongrān chi marunngakanranglakha eina tangda nathumli mashok ngasakmara.”

LUKE 12:59 Iomraidhean Croise

MATTHEW 18:34

Akhavā china malungvāt eina awui leiman saikora marunranglakha eina tangda phātopli sangkhavai kashinabingwui pāngli horsangmihaowa.

MATTHEW 25:41

“Chiwui thili awui uishong khaleibing chili ana hāngra, ‘Khonshi kahaibing, nathum iwui eina thuihaolu kala chipee eina awui kazingraobingwui vang ngarān kahai katang makhavai meifa chili vāulu;

MATTHEW 25:46

Kala athum katang makhavai tandipamli vāra, kha khamashungbingna katang makhavai kharingpamli vāra.”

MATTHEW 5:26

Ina nali kachangkhat eina kahāngna, nana leiman chi marunkupranglakha eina tangda nali kachilikhala phātopwui eina machishotlakmara.

MARK 12:42

Kala kachāma ra̱meiva akha rai, ana penny akhawui chāng pheisā khani rāsanga.

LUKE 16:26

Chili langmeikharda nathum eina ithumwui marakli chāngam akha lei, hiwui eina nathumli vākhangaibingna mavāpaimana kala nathumwui eina hili kāka kajebingnala makāpaimana.’

2 THESSALONICANAO 1:3

Ivānaobing, nathumwui vang atam kachida ithumna Vareli ningshi. Hi ithumna sāngayilāk kahai otna, khiwui vangkhala kaja nathumwui shitkasang mataisangmamānda lei kala akhana akhawui vang leikashila mataisangmeihaira.