LUKE 12:5 - Kathara Bible (BSI)

⁵ Kha khipāli ngacheerakhala kaji ina chitheira; chiya, shaothathailaga meifali horsangkashapwui pangshap khalei a chili ngacheelu, mha, ina nathumli kahāngna, ali ngacheelu.

LUKE 12:5 Iomraidhean Croise

LAA 9:17

Makaphābing, Vareli malai kahai yur saikora Kazeiramli vara.

CHĀNSAM 14:26

Proholi khangacheeli ningshai khavai lei, kala anaongarāna ngayin khavai samphangra.

JEREMIAH 10:7

Nali khipāna mangacheemarakhala, O yurbingwui awunga? Kaja hi nawui ngamna; kaja yur saikorawui thangkhamaingwui alunglila kala athumwui wungram saikorawui alunglila, nakathā maleilakmana.

JEREMIAH 41:18

kaja Ahikamwui naomayara Gedaliahli Babylon awungana ngalei chiwui khamunga sanghailaga Nethaniahwui naomayara Ishmaelna shaothat kahaiwui vang Chaldeanaobingli ngacheehaowa.

JEREMIAH 5:22

Nathum ili mangacheemala? da Prohona hānga; iwui mangāli nathum makathirmala? Ina shamadruwui vang da situi eina makhangacheiya thari sāmi, tara̱na kapheshoklala athumna mayuirarmara; tara̱na ngaphaolala, china makānshokrarmara.

MATTHEW 10:28

Phasāli sāthatshaplaga manglāli masāthatkharar athumli mangacheealu. Kha kazeiramli phasā eina manglā khanini sāshimānmikashapa Vareli ngacheelu.

MATTHEW 25:41

“Chiwui thili awui uishong khaleibing chili ana hāngra, ‘Khonshi kahaibing, nathum iwui eina thuihaolu kala chipee eina awui kazingraobingwui vang ngarān kahai katang makhavai meifa chili vāulu;

MATTHEW 25:46

Kala athum katang makhavai tandipamli vāra, kha khamashungbingna katang makhavai kharingpamli vāra.”

MATTHEW 5:22

Kha ina nathumli kahāngna, kachikathāna khi ngalangkha maleila achināli malungvātakha ali bichar sāphalungra. Kachikathāna achināli yomtui matuiakha ali hanga̱shimli khuikāra kala kachikathāna ‘Makānkhana mangkhama̱ mi!’ da phorakha meifali horsangra.

MARK 13:23

Kha ngasharlu; ina nathumli sānngarānda ot saikora hāngchitheihaira.

1 THESSALONICANAO 4:6

Khipākha hiwui pongli achināli khalāng masāpaimara, kala hikathā khalanga mili Prohona kashong lāngra da nathumli rida hānghaira.

HEBREWNAO 10:31

Kharinga Varewui pāngli tākazang hiya khangachee khangacham otna.

2 PETER 2:4

Kaja morei sāhaikha kazingraobingli eina tangda Varena yangkhei kahai maleimana, athumli kazeiramli haida bichartam marāranglakha eina tangda tangmangting kahaipamli tuknarhaiakha,

PHONGKHAMI 14:7

Ana panglāk eina vaoda hānga, “Vareli ngacheeda khorumlu; kaja ana mibingli bichar sākhavai atam rāhaira. Kazingla ngaleila tara̱ kala ura̱ kasaa chili khorumlu!”

PHONGKHAMI 15:4

Khipāna namingli mangacheera kala matekmatei ngasakrakhala, O Proho? Khikhalajila namāngna katharana. Yur saikorana rāda nali rākhorumra; kaja nawui mashun bichar theiserhaira.”

PHONGKHAMI 20:14

Chiwui thili Kathe eina Kazeiramli meiwui ngayili horsanghaowa. Meiwui ngayi hi thikakhanena;