LUKE 12:42 - Kathara Bible (BSI)

⁴² Chieina Prohona ngahānkai, “Chithākha atam horzakta kashakazā ngayarmi khavai shimvana pangshap horsangmi kapai ningkhamazinga kala chukhamaja̱ khalei kashina chi khipākhala?

LUKE 12:42 Iomraidhean Croise

SHONGZĀ 36:4

chiwui vang eina kathara shimwui ot kasābing china kachichāwui otpamwui eina athumna rāda,

CHĀNSAM 12:8

Mi akhali ningkakāwui athishurda sochikata, kha ningkhamakhui mili yangkharinga.

CHĀNSAM 15:23

Tāzakta ngahānkakāna mili mathān ngasaka, kala machuk kazak kahai tui kayākha kaphā otkhala!

CHĀNSAM 27:18

Khaorārong khamayon china chiwui athei kashai samphanga, akhavāli mayonkapama china maikhayā samphanga.

CHĀNSAM 31:15

Ana kazing mathangranglakha ngakarthuida, awui shimkhurwui kashakazā ngarānmi, kala rao sha̱naobingna sākhavai athumwui ot ngayarmi.

ISAIAH 50:4

Tamkachitheiwui male Proho VAREna ili mi, chieina ningkachotali kathāda tui eina ngasoda hāngphaneprakhala kaji ina theikhavaina. Ngathor kachida ana mathota, kala tamkakhuibing athum thāda shākhavai ikhanā ana mathing ngasaka.

JEREMIAH 23:4

Ina athumli yangmi khavai yaokahomabing phāsangmira, kala athumna mangacheeluimara, kaphaning masuitāluimara, kashimānla mashimānmara, da Prohona hānga.

EZEKIEL 34:3

Asā nathumna shai, athumwui ahah kachon sākhuida ngavai, asā kakākā taithatshai, kha nathumna yaobingli maphāchizatmana.

MATTHEW 13:52

Chieina ana athumli hānga, “Chiwui vang eina kazing wungramwui vang tamchithei kahaia ain kathema kachiva̱ chiya shimva̱ akha kathāna, ana awui lan kazip kahai kāwui eina kadhara kala kachama lan khuikashok kathāna.”

MATTHEW 20:8

“Kazing khaying eina yāmguiwui akhavā china awui kashina chili hānga, ‘Ot kasābing chili hokhuiserlaga rākhanaowa eina haophoklaga rākhare kāshungda athumli athumwui langhai chi mihaolu.’

LUKE 12:43

Shimva̱ china shimli hankhaung tharan ngarakzak eina sākasā rao chi ka̱lā mahai.

LUKE 7:13

Prohona ali kathei eina lumashanhaida “Machapalu” da hānga.

LUKE 7:19

Chieina Johnna awui sākhangatha̱ khani hokhuilaga Proholi chihovāda “Raki kaje chi nakā, khangatei akhali honfarakhala?” da angahān ngasaka.

OTSAK 20:28

Manglā Katharana nathumwui pāngli horsangmi kahai yaonao saikorawuitunglila, kala nathum khalattawuitunglila ngasharlak eina mayonlu kala Anaomayarana thikhami kala pha̱phayākhami mangā eina awui ngasā ngasak kahaia Varewui churchli homlu.

1 TIMOTHY 3:15

Kalikha huihaisākha Varewui shimkhur kaja kharinga Varewui church, khamashungwui shimphunga kala pakra̱ chili mibingna kathada sāmameirakhala kaji nana theikhui khavai kagapina.

1 TIMOTHY 5:17

Mathada yangkhame khararnaobing chili, mataimeikapta tamkachithei eina pao hākashok athum chili mataimeida khayāshiranu.

2 TIMOTHY 4:2

Tui chi hāshoklu, kumkashok kumkazang mayangalu, theikhui ngasaklu, machinlu, katomlu, ningzingharingda tamkachithei machokchaihailu.

TITUS 1:7

Kaja yaokahoma hiya Varewui lanse akha sāda shātmakakā mi sāphalungra, malangsophalungmara, malungmavātzarphalungmara, khamarip, khangashao kala tongzā khavai khangamar ot masāphalungmara.

HEBREWNAO 13:17

Kathānabingwui kahāng nganāda athumwui thi shurlu. Athumwui otsak Vareli chitheiki jihaoda khangasām maleila athumna nathumwui manglāli yangmichingra. Nathumna kahāng nganaakha, athumna athumwui ot chi mathānthathup sāra, chi maningakha, athumna kakhanang eina sāra, chi nathumwui vang khikha kānkhanā maleimana.

HEBREWNAO 13:7

Varewui tui hāngkhame nathumwui kathānabingli phaningunglu. Athumna kathada ringsā, kathada thi kaji phaningungda athumwui shitkasang sha̱khuilu.

HEBREWNAO 3:5

Mosesna Varewui shimli rao akha sāda ningtonglak eina shitsanga, kala naoda shokki kaji Varena kahāng chi ana shākhi mi.

1 PETER 4:10

Varivarana ngatateida khami lukhamashanwui kaphaa kashina sāda, mi ava̱va̱li lemmet ngatateida mikahai chi akhana akhawui vang kānnā khavaili shichinlu.