LUKE 12:4 - Kathara Bible (BSI)

⁴ “Itao ngarā, ina nathumli kahāngna, phasāli shaothatshaplaga chiwui thili khikha masākhararbing chili mangacheealu.

LUKE 12:4 Iomraidhean Croise

CHĀNSAM 29:25

Miwui khangacheena khalen sanga, kha Proholi khangachee mi khikha mathāmana.

SOLOMONWUI LAA 5:1

Ina iwui yāmguili rai, izarva̱, iwui khām kahaiva̱, iwui nganamkaphāphā ot eina ngasoda ina myrrh kazipkhui, ina iwui khuihāng eina ngasoda khuira̱ shai, ina drakhāra̱ eina ngasoda seina̱ manga. Zālu O ngasotnaobing, kala manglu: kachungkha manglu, O leikashebing!

SOLOMONWUI LAA 5:16

Awui akhon shimmeithuiya, kala tongda ningchang kapaimānga. Hi iwui leikashena, iwui khavāknaona, O Jerusalemwui naongalāva̱bing!

ISAIAH 41:8

Kha na iwui rao Israel, ina kapangshok kahaia Jacob, iwui ngasotnao Abrahamwui ara̱-azāna;

JEREMIAH 1:17

Kha na, shānneira̱ neikhuilu; ngakarthuilu, kala ina kakaso kachiva̱ hi athumli hānglu. Athumna nali ning masuitā ngasakaranu, maningakha inala nali athumwui mangāli ning suitā ngasakpaishina.

JEREMIAH 1:8

Athumli mangacheealu, kaja nali kanmi khavai ina nali ngasomida lei da Prohona hānga.”

JEREMIAH 41:18

kaja Ahikamwui naomayara Gedaliahli Babylon awungana ngalei chiwui khamunga sanghailaga Nethaniahwui naomayara Ishmaelna shaothat kahaiwui vang Chaldeanaobingli ngacheehaowa.

EZEKIEL 2:6

“Kala miwui naomayara na, athumli mangacheealu, chili lāngda athumwui tuili mangacheealu; nana ka̱shāt-ka̱renglungli zatlala kala nana seithattungli pamlala; athumwui tuili mangacheealu, kala athumwui azak yanglaga mangacheealu, kaja athum hiya ngakaikashi shimkhurna.

MATTHEW 10:28

Phasāli sāthatshaplaga manglāli masāthatkharar athumli mangacheealu. Kha kazeiramli phasā eina manglā khanini sāshimānmikashapa Vareli ngacheelu.

JOHN 15:13

Ngasotnaobingwui vang manglā chihokhami hili lāngda hakkhamei leikashi maleimana.

OTSAK 20:24

Kha ina iwui mirin hi sakta makhuimana, Varewui lukhamashanwui paokaphā chi shākhi sākhavai Proho Jishuna khami chi sākupchaoshap khavai himang hi iwui ningkachāngna.

OTSAK 4:13

Hangva̱naobingna Peter eina Johnwui kaping chi theilaga kala ani lairik makatama mina kaji phaningvālaga matakhakhaowa. Chieina ani Jishuli ngasosai kaji athumna theikhui.

PHILIPPINAO 1:28

Yangkashebingli mangacheelakalu. Atam kachida malung pinglu, chithākha nathumna yuichingra. Kachiwui vangkhala kaja khayui hi Varena khamina.

JAMES 2:23

Kala hithada hāngkahai tui chi ungshunga, “Abrahamna Vareli shitsanga kala ningtongda shitkasangwui vang khamashung khangaronga da ali shānkhui”, kala ali Varewui ngasotnao hoi.

1 PETER 3:14

Khamashung khangarongwui vang nathumna kachotkachāng samphangsālala, nathumli somira, khipālikha mangacheealu kala wukla makhanangalu.

PHONGKHAMI 2:10

Nathum khanangki kaji khikhikhawui vang mangangalu. Yanglu nathumli chāng tamyang khavai chipeena kaikhali phātop sangra; kala tharāthangwui vang kakhanang samphangra. Kathi eina tangda ili shitsangmalu; Ina kharingawui kuihon mira.