LUKE 12:37 - Kathara Bible (BSI)

³⁷ Akhavāna latkhaung tharan ningkharikta honpamkasā raobing ka̱lā mahai; kachangkhat ina nathumli kahāngna, ana shāneira̱ neikhuilaga athumli tableli pamngasakra, kala rāda sheba samira.

LUKE 12:37 Iomraidhean Croise

ISAIAH 62:5

Kaja yaronnao akhana kachingva̱ akhali khangakum thāda, nanao ngarāna nali shakzāra; kala shakazā mayarana ngalāva̱ chili ningyāngkhaung thāda, nawui Varena nali ningyangungra.

JEREMIAH 32:41

Athumwui vang kaphā sākhamili ina mathānra, kala iwui ningla yāngla tongda ina athumli ngalei hili okthui ngasakra.

ZEPHANIAH 3:17

Nawui Vare Proho nathumwui alungli lei, raikhoka rai yuikhame chi; ana nawui vang ringphāda mathānra, nali awui leikashi alungli mirin kadhar miluishitra; nawuitungli ana ringkaphāwui laa pangda vaora, phanit phanaoli kasā thāda.

MATTHEW 24:42

“Ngasharda rimpamsālu, khikhalajila nawui Proho katharan rāra̱khala da nathum matheimana.

LUKE 12:36

Akhavāna ngalā shakazāwui eina shimli hankhaung ngaraikapam raobing thada sālu, chithākha ana ungda khamongli kakakung chitharan athumna heng sāda shomira.

LUKE 12:43

Shimva̱ china shimli hankhaung tharan ngarakzak eina sākasā rao chi ka̱lā mahai.

LUKE 17:8

Chiwui mahutle nana ‘Iwui zākhavai ngarānlu kala sāri shaksākharikkhuida ina maphāshak maphazākhuiranglakha eina tangda otram ngatha̱lu kala chiwui thili nana phāshak phazāpaira’ da mahangmarala?

LUKE 21:36

Kha atam kachida ningngasharlu kaja rashokki kaji ot saikora hiwui eina yāmshokshap khavai kala miwui Naomayarawui mangāli nganingshap khavai seihā sāchinglu.”

LUKE 22:27

Kaja phazatpamli kapampā eina ngatha̱khame khani chiwui ngachaili kachipana hakmeikhala? Phazatpamli kapamapā china reikhamei maningmala? Kha ina nathumwui ngachaili otram ngatha̱khame chi ngasāda lei.

JOHN 12:26

Kachikathāna ili otram ngatha̱miakha, a ili shurphalungra kala I khalei chili iwui raola sāda leira, ili otram ngatha̱khame mi chili iwui Avāna maiyā ngasakra.

1 CORINTHNAO 2:9

Kha hithada kapihaida lei; “Khipānakha mathei, mashālakrang kaji, khipānakha shokra da maphaningsalak kaji, chi Varena ali leikashebingwui vang ngarānmi kahaina.”

PHILIPPINAO 1:21

Iwui vanga ringlala Khristali kharingna; thihailala tongmei.

PHILIPPINAO 1:23

Khani hiwui ngachaili kapangkhui khavai iwui vang saklaka. Thihailaga Khristali ngasokapam hi iwui ningkachāngna, chi phāmeikhara.

2 PETER 1:11

kala ithumwui Proho kala Huikhame Jishu Khristawui katang makhavai Varewui wungramli zangpai khavai apong tārakha eina ithumli ngarānmira.

2 PETER 3:14

Chiwui vang eina leikashebing! nathumna zimiksho hi ngaraimamānda Varewui miktāli nathum tharda kala achuk kapeia ngasāda ali ngasoda chingri eina okthuirum khavai sālu.

PHONGKHAMI 14:13

Chili lāngda, kazingramwui eina akhon akhana kahāng ina shai; “Hi kapikhuilu, aja eina thuida Prohowui vang eina thikahaibing sokhami ngasāranu,” “Sokhami ngasākachangkhatranu, kaja athum kachotkachāngwui eina ngasāmkhuipaira; athumwui khamathā otsak chi athumli ngasozatta lei,” da Manglāna hānga.

PHONGKHAMI 16:15

“Yanglu ina khale thada rāki kaji chi chithangna. Chithang kashankachon ngavaipamkasāpā chi sokhami ngasāranu, kaja ana yaruiwui miktāli mahongda mazatmara kala kakhayak masamphangmara.”

PHONGKHAMI 3:21

Ina khayui samphangda Ishāvāli ngasoda awui wungpamkhongli ngasokapam thada khayuiyapā chili iwui wungpamkhongli ili ngasopam khavai ina mayāmira.

PHONGKHAMI 7:17

khikhalajila wungpamkhong alungthungli kapama Yaonao china athumli hommida kharinga tara̱ khawur ura̱pamli thanvāmira; kala Varena athumwui mikwui chara̱ mitmisera.”