LUKE 12:32 - Kathara Bible (BSI)

³² “Mangacheealu, he kateowa ashangva̱ kaja wungram chi nathumli khami hi nathumwui Avāva̱wui ringkaphāna.

LUKE 12:32 Iomraidhean Croise

ISAIAH 40:11

Yaokahoma thāda ana yaobingli mizāra; yaonaobing apāngli kazipkhuira; awui makāli vamzatra; kala anao khangathāna ava̱bingli ngaironda homzatra.

ISAIAH 41:14

Mangacheealu, kalomnao Jacob; Israelwui mibing nathum! Ina nathumli ngachonmira, da Prohona hānga; nathumwui Ngatangkhame chi Israelwui Kathara china.

ISAIAH 53:6

Yao thāda ithum saikora ma̱thuiserhaira, kachichā khalattawui apongli thuihaira; chieina ithum saikorawui morei awuitungli Prohona parmi.

JEREMIAH 3:19

“‘Inaomayarabingwui alungli nali kathāda khamathā lam akha milaga chipamsikhala kala, miyur saikorawuili mathāmeikap kaji shimlui nali kathāda haimirakhala da ina machuka. Kala nathumna ili iwui Ava hora; kala ili kashurwui eina mangareithuimara da phaningsai.

MATTHEW 14:27

Jishuna heng sāda hānga, “Pingmeilu, ina; mangacheealu.”

MATTHEW 20:16

Chieina khanaowa china rira kala khare china naora.”

MATTHEW 25:34

Chiwui thili Awungana awui yāshong khaleibing chili hāngra, ‘Rālu, ishāvāna sokhamebing, okathui sākaphokwui eina nathumwui vang ngarān kahai wungram chi mathunkhuilu;

MATTHEW 7:15

“Minama marānbingli ngasharlu, athumna yaohui ngavaikhaninglaga rai, kha alungle athum sākakathān ramfa kathāna.

LUKE 10:21

Pung chichangli ana Manglā Katharawui mangā eina khamathān samphangda hānga, “He Avā, kazingram eina okathuiwui Proho, ina nali masotchikatli kaja nana otbing hi thangkhamabing eina theishingkakhuibingwui eina ngathumihailaga angangnaobingli chitheimihaowa; mha, Avā, hikathā hi nawui lukhamashanwui kaphaningna.

JOHN 18:36

Jishuna hānga, “Iwui wungmung hi apuk-apagva̱wui maningmana; iwui wungmung hi apuk-apagva̱wui sāsāsi kaja ili Jihudibingwui pāngli mahorsang khavai iwui kashurabingna ngararhairara; kha iwui wungmung apuk-apagva̱wui eina maningmana.”

OTSAK 20:28

Manglā Katharana nathumwui pāngli horsangmi kahai yaonao saikorawuitunglila, kala nathum khalattawuitunglila ngasharlak eina mayonlu kala Anaomayarana thikhami kala pha̱phayākhami mangā eina awui ngasā ngasak kahaia Varewui churchli homlu.

OTSAK 20:29

Ina thei kaja I thuikahaiwui thili sākashi ramfabingna nathumwui ngachaili rāzangda khipālikha haisāsa majilakmara.

ROMNAO 6:23

Kachiwui vangkhala kaja moreiwui sāman kathina, kha Varewui lemmet chiya ithumwui Proho Jishu Khristawui lungli katang makhavai kharing china.

1 CORINTHNAO 1:21

Mikumona awui thangkhamei eina Vareli matheikhararwui vang mibingna mangkhama̱na da kakhuia ithumna hākashoka pao hili shitkasanga mibing chili Varena huimi.

PHILIPPINAO 2:13

Kaja awui kaphaning chi sāngairareo sākhavai kala sāshap khavai Varena nathumwui alungli ot sāda lei.

2 THESSALONICANAO 1:11

Chieina ithumna nathumwui vang seihā sāmichinga. Nali hokhui kahai mirin chiwui athishurda ringshapta awui pangshap eina kaphā kasā kala shitkasangwui otsak kachiva̱ chi ungshung khavai ithumna Vareli poli.

2 THESSALONICANAO 1:5

Saikora hina Varewui bichar hi khamashungana kaji chithei kala nathumna samphangda khalei kachotkachāngwui athei sāda Vare wungramli zangkhangayena da shānkhuira.

HEBREWNAO 12:28

Makhangatha̱ wungram ithumna samkaphangwui vang ningshisa. Varena ningyāng ungkhavai kakhayak khangachee eina ngasoda ali ningshida khorumsa.

JAMES 2:5

Nganāmilu, leikashiya ivānaobing, Vareli leikashebingli ana ngashitmi kahai wungram chiwui shimluikat kala shitkasangli kashānga mi ngasā khavai okathuili kachāmabingli Varena kapangkhui.

2 PETER 1:11

kala ithumwui Proho kala Huikhame Jishu Khristawui katang makhavai Varewui wungramli zangpai khavai apong tārakha eina ithumli ngarānmira.

PHONGKHAMI 1:6

Kala Vare, Avāva̱li otram ngatha̱ khavai ithumli pāngmonwui wungram sāmihaira. Jishu Khristali mashimānda tekhamatei kala pangshap ngasāranu. Amen.

PHONGKHAMI 22:5

Khangayā mavailuimara, thaomeiwui kala zimikwui kahor masāvailuimara kaja Proho Varena athumwui kahor sāra; kala athumna mashimānda mungra.