LUKE 12:31 - Kathara Bible (BSI)

³¹ Kha awui wungram pharifalu, chithākha ot saikora nathumli ngarumsangmira.

LUKE 12:31 Iomraidhean Croise

LAA 34:9

O, katharabing, Proholi ngacheelu, kaja ali khangacheebing khavāt maleimana.

LAA 37:19

Makaphā atamli athumli makhayak ngasakmana, chāmrei atamli athumna mavātla leira.

LAA 37:25

I nganuisai, ara rarhaira; chithālala khangarongali horkahai ina matheilakmana, lah awui naongarā zāt pozākazatla matheimana.

LAA 37:3

Proholi shitsanglu kala kaphā sālu, chieina nana ram chili sompamra, kala ning tāphuphaira.

LAA 84:11

Kaja Proho Vare hiya zimik kala changveina; ngahānkhangai eina khayākakā ana mi. Mashungrik eina kazatbingwui vang kapha otli ana makhāmhailakmana.

ISAIAH 33:16

athumna kajujuili pānra, awui ngayinkhui khavaipam lunghārwui raipan ngasāra; awui kashakazā ali mizāra, tara̱la mavātmara.

MATTHEW 6:33

Kha rimeikapta, nathumna Varewui wungram kala awui khamashung khangarong chi phārifalu, chithākha saikora hi nathumli ngarumsangmira.

LUKE 10:42

kha khavāt akha lei, Maryna awui eina makhuithuiki kaji chi kapangkhuihaira.”

LUKE 12:30

Kaja okathuiwui yur saikorana hikathā otbing hi phai; kha nathumna otbing hi leingayiphalunga da nathumwui Avāna theisera.

JOHN 6:27

Shimānki kaji kashakazāwui vang ngalang mazāralu, kha miwui Naomayarana nathumli miki kaji katang makhavai kharinga kashakazāwui vang ngalangzarlu, kachiwui vangkhala kaja Varena awui mayākhamiwui mahor ali nammihaira.”

ROMNAO 8:31

Chithākha ithumna hili khi hāngluira? Vare hi ithumwuina jiakha khipāna ithumli yangshirarra?

1 TIMOTHY 4:8

Phasāwui pongli tamkakhui tongkazā chi kateokhamaya, kha Vareli kaphaning hiya aruihonwui mirinlila, rāki kaji mirinwui vangla khangashit khaleiwui vang apong kachiva̱li tongzai.

HEBREWNAO 13:5

Nawui khalei chi shapa da phaninglu, lupāli mangamaralu, kaja Varena, “Ina nali mahorhailakmara kala machihohailakmara” da hānghaira.