LUKE 12:20 - Kathara Bible (BSI)

²⁰ Kha Varena ali hānga, ‘Mangkhama̱a! Arui ngayā nawui manglā khuithuihaora’ chithākha ana kazip kahai lan saikora chi khipāwui ngasārakhala?”

LUKE 12:20 Iomraidhean Croise

ESTHER 5:11

Kala Hamanna awui kashang-kharei saikora athumli hāngchithei, anaomayara ngarāwui mashing, awungana ali pam kāngasakta awui wungnaobing kala raobingwuitungli kachipam saikora hāngchitheisera.

JOBWUI LAIRIK 27:8

Kaja Varena ali katat kahai tharan, awui manglā Varena khuithui kahai tharan, vare makhaleiyawui kachihān khikhala?

LAA 39:6

Mi hiya kachangkhat eina akalā thāda zatung-zatva sai! Kachangkhat eina khikha makhaningwui vang athumna khananga; mina sorngasaida hai, kha khipāna chi kazipkhuirada matheimana.

LAA 49:10

Mha, thangkhamala thi kaji ana theira, mangkhama̱ eina makhanganingala khanini shimānra; kala athumwui lan kateili haimira.

LAA 73:19

Hunkhawui alungli khangachee khangachā eina, athumli kathāda shimān ngasakchaohaokhala!

LAA 78:30

Kha athumna ningkachāng chi mapenranglakha, zāt athumwui khamorli zāmahunglakha,

CHĀNSAM 10:2

Makaphā-makhayā eina tongkhuida kazipkasang tongkazā maleimana, kha khamashung khangarongna kathiwui eina kankhuimi.

CHĀNSAM 11:4

Malungkhavat atamli lanwui kānkhanā maleimana; kha khamashung khangarongna kathiwui eina kanmi.

CHĀNSAM 13:7

Mi akhana shāngreka, kha khikha mangavāmana; khangatei akhana chāmreka, kha lan kachungkha lei.

CHĀNSAM 27:1

Akhamawui vang malāngsoalu, kaja zimiksho china khi khuirārakhala da na matheimana.

CHĀNSAM 28:8

Awui lan atar eina chungsang khangasaka kala mataisang khangasaka chipāwui lan kachāmali lukhamashan katheia awui vang kazipmi kahaina.

ISAIAH 56:12

Athumna hānga, ‘Ralu, drakhāra̱ mangsa, ithum zamshei mangsangsa; akhamala aja thāda tangkhavai maleimara.’”

JEREMIAH 17:11

Tiktarenna mapumkakhui nao nganaokakhui chithāda, mashun mazangla shāngkakhui a chikathāna; mirin ngahunpatli athumna ali nothāhaora kala awui athitlam mangkhama̱ ngasai.

AMOS 6:13

Lo-debarli nathum mathānda, “Ithumwui yāng eina ithum khalattawui vang Karnaim yuikakhui maningmala?” da hānga.

NAHUM 1:10

Ngaphāngkatarai ka̱shāt thāda, thengkahaiya lanji thāda athum shimānhaora.

LUKE 11:40

Mangkhama̱bing! ayar kasaa china alungla kasā maningmalā?

1 THESSALONICANAO 5:3

Mibingna, “Ara chingrihaira kala kalākashi maleimana” da kahāng tharan naokhara̱ thada kashuirak eina athumwuitungli kashimān rāra, chili yāmshok khavai maleisāmara.

1 TIMOTHY 6:17

Okathuili kashāngbingli malangso khavai kala akachang makhaning lanli machihān khavai, kha ot saikora ithumli ringphā khavai mavātla khame Vareli chihānthei khavai machinlu.

1 TIMOTHY 6:7

kaja ithum okathuili khikha makhuirāmana, okathuiwui eina khikhala makhuithuipaimana.

JAMES 4:14

Nathumwui mirinli akhama khi shokrakhala da matheimana. Nathum hiya kasha̱khawui vang ngachuilaga shimān kahai leichui kathāna.