LUKE 12:19 - Kathara Bible (BSI)

¹⁹ Chiwui thili ina imanglāli hāngra, Manglā, nana zingkum shirakha shichin khavai khamathā ot kachungkha chi kazipsanghaira, leiyālak eina okthuilu, zālu, manglu kala ringphākhuilu.’

LUKE 12:19 Iomraidhean Croise

JOBWUI LAIRIK 14:1

Sha̱naona kapharā mi hi hunkhawui vang mānga, kala kakhanangna pemtinghai.

LAA 49:18

A ringlakha ringphai da akhalatta shānkhuilala, a khalattawui vang khamathā kasā tharan mina solala,

LAA 62:10

Minamda kakhuili akachanga masaalu, likazāli machihānphāphaalu; lan mataikasang tharan, naning chili mahaialu.

CHĀNSAM 10:2

Makaphā-makhayā eina tongkhuida kazipkasang tongkazā maleimana, kha khamashung khangarongna kathiwui eina kankhuimi.

CHĀNSAM 14:24

Thangkhamawui kuihon aworna, kha mangkhama̱wui otsak chi mangkhama̱bingwui pāsina.

CHĀNSAM 18:11

Kashānga miwui lan chiya awui khamakanga keinungna, kala kajuiya pan thāda ali ngākmi.

CHĀNSAM 23:5

Namikna chi theikhaleoda chi thuihaora; kashuirak angachāng kālaga khalāngwui thāda kazingram yongkāhaora.

CHĀNSAM 27:1

Akhamawui vang malāngsoalu, kaja zimiksho china khi khuirārakhala da na matheimana.

HĀSHOKME 11:9

Mathānlu, O Yaronnao, na yaronshaplakha, yaronshaplakha ningngasa̱ta eina, nawui ningwui kala nawui mikwui apongli zatlu; kha ot saikora hiwui vang Varena nali bicharpamli khuirāra kaji theilu.

HĀSHOKME 2:24

Miwui vanga, phākashak, phākazā kala awui ot kasāli ringphākakhui chili lāngda phākhamei khikha maleimana. Hila ina thei, kaja, Varivarawui eina kashokna;

ISAIAH 22:13

kala yanglu ringkaphā eina khamathān, mukkā kala yao taikathat, sā kashai eina zam khamang: “Zāsa, mangsa, kaja akhama ithum thihaora” da kasā atam rāra.

ISAIAH 5:11

Ngathorthakva̱ zamshei thuikaphābing, zingyinlam eina tangda kakharombing zamna phasā maminranglakha eina tangda kakhanang ngasāranu!

ISAIAH 5:8

Apam mangaziranglakha eina tangda, shim pharonsangmamān kaje, lui ngarumsangmamān kaje, lam chili nathummāng pamra da kasā athumli kakhanang ngasāranu!

ISAIAH 56:12

Athumna hānga, ‘Ralu, drakhāra̱ mangsa, ithum zamshei mangsangsa; akhamala aja thāda tangkhavai maleimara.’”

HOSEA 12:8

Ephraimna hānghaira, “Iya kashāngana, I khalattawui vang lan mathuisanghaira”; kha awui lan saikora china awui khayon sākahai chili mahāngshānrarmara.

AMOS 6:13

Lo-debarli nathum mathānda, “Ithumwui yāng eina ithum khalattawui vang Karnaim yuikakhui maningmala?” da hānga.

HABAKKUK 1:16

Chiwui vang ana khailanli pha̱kaphayā sai, kala awui khailan kahakali nganamkaphā riktai; kaja ana chiwui mangā eina ringphāda okathuina; kala awui kashakazā khamathāthāmānga.

LUKE 12:18

Chieina akhalatta phaninga, ‘Ina hithada sāra; ina iwui chum pheihailaga hakkhamei akha sākhuira; kala chili iwui mā kala thongthāngbing kazipra.

LUKE 16:19

“Atam akhali kashānga mengchin kahai kashankachon khangavai kala thangkachida hekmaheilak eina phāshak phazākapam mi akha leisai.

LUKE 21:34

“Ngasharda rimpamlu! Okathui hiwui lumkhalao, khamarip kala mirinwui vang kaphaning china nathum khalattali mayui ngasakalu, atam chi kashuirak eina khale thada rārāsāpaishina.

1 CORINTHNAO 15:32

Phasāwuishong phaningsi kaje ina Ephesusli shangkha̱li khangama̱ chi khi kannārakhala? Kathe maringluimara jisi kaje mibingna kahāng thada “Akhama thihaola honthei, aja zākhui mangkhuisa” jira.

PHILIPPINAO 3:19

Athum meifali vātangsera, kaja phasāwui ningkachāngli phākazat chi athumwui vare ngasāhaowa; khayakkhamarao otsakli athumna langsoi, athum okathui otmāngli phaninga,

1 TIMOTHY 5:6

Kha akhalatta ringphā khavai kasāva̱ a chiya ringlala kathina.

1 TIMOTHY 6:17

Okathuili kashāngbingli malangso khavai kala akachang makhaning lanli machihān khavai, kha ot saikora ithumli ringphā khavai mavātla khame Vareli chihānthei khavai machinlu.

2 TIMOTHY 3:4

mikhanam, ningngaikasā, kachorkashi kala Vareli leikashebing mangasāla lumkhalaoli leikashebing ngasāthuihaora.

JAMES 5:5

Okathuili ringphālak eina sākhangangai sāda nathum okthuihaira. Taithatki kaji zimikshowui vang nathum khalatta uimathaohaira.

1 PETER 4:3

Nathumwui mirinli mashitkasangbingna kasā thada sopkhamasāp, khamathang, khamarip, lumlaokasa kala khangama̱ khangazai, kameoli kapha̱ hikathathamāng sākasā chi shaphaira.

PHONGKHAMI 18:7

A khalatta tekmatei ngasakta khangkāser ot kasā chiyākha, rekakharek chapkhangachā alila tāzakta milu. Awui ningli, ‘Ina awungva̱ sāda pama, rameiva̱ maningmana, chapkhangachā matheilakmara’, da phaninga.

1 SAMUEL 30:16

Chieina ana thānkhavā tharan, yanglu, athum ngalei pemda morsonglaga phāshak-phazāda pheichak sāsai; kaja Philistinenaobingwui eina kala Judahwui eina athumna kachungkha angaponkhui.