LUKE 12:16 - Kathara Bible (BSI)

¹⁶ Ana chānjam akha hānga, “Kashānga akhawui luili heiun tarākha unga;

LUKE 12:16 Iomraidhean Croise

JOBWUI LAIRIK 12:6

Khalebingwui pamkhavai chingrihai, kala athumwui vareli pangli hailaga Vareli malungvātkhangasakbing kalā mashimana.

JOBWUI LAIRIK 24:23

Ana athumli ningtāphuphai ngasaka, kala ana athumli katommiya; kala awui mikna athumwui kazazatpamli yangmi.

LAA 73:12

Yanglu, hi makhayābingna; atam kachida leiyāsorhai, athum shāngsanga.

LAA 73:3

Kaja makaphābingwui mataikasang chi theilaga, ina athumwui langkaso chili mikpaishiya,

EZEKIEL 16:49

Yanglu, hi nagatuiva̱ Sodomwui moreina: a eina anao ngalāva̱bingna langsoi, mazākharar eina tangda zai, lekngasaisor eina okthui, kha khangazanbing kala khavātabingli mangachonmimana.

HOSEA 2:8

Ali zāt, mangkhavai drakhāra̱, kala thao khame, kala athumna mavātlakla Baalli khami sina lupa khame chi ina, kaji a matheimana.

MATTHEW 13:8

Kaikhana ngalei katumpamli tāzangda athei mathei, thingrong kaikhali athei shāshā kala khangateili hangtharuruk thumrārā mathei.

MATTHEW 5:45

Chithākha nathum kazingramli khaleiya nathumwui Avāwui naongarā ngasāpaira; kaja ana kaphālila makaphālila zimik shokmi kala khamashungalila, makhamashungalila kazing rotāmi.

LUKE 12:15

Chieina ana athumli hānglui. “Ningkhariklu kala khangamarli ningngasharlu; kaja mikumo akhawui mirin hi awui lan tarākha khalei chili khalei maningmana.”

LUKE 12:17

kala akhalatta chukmaja̱ya, ‘Iwui heiun hi kazip khavai apam maleithura, kathāusikhala?’

OTSAK 14:17

Kha atam kachiva̱li kaphā sākhami china ā leichingda lei kaji shākhi mi; ana kazingramwui eina zingrotra̱ mida atam chālak eina athei samphang ngasaka; kashakazāla mida ningla ringkaphāna pemtinghai ngasaka.”