LUKE 12:11 - Kathara Bible (BSI)

¹¹ “Athumna nathumli synagogueli, khamungabing kala khangam khareibingwui mangāli shimen khavā tharan nathumna kathada khi ngahānkārakhala lah khi hāngrakhala da malungmaringalu;

LUKE 12:11 Iomraidhean Croise

SHONGZĀ 4:12

Chieina ara vālu, ina nakhamorli ngasomira, kala khi matuirakhala kaji chi tamchitheira.”

MATTHEW 23:34

Chiwui vang eina ina marānbing, thangkhameibing kala ain kathembing nathumwuili chihorai, nathumna kaikhali sāthatra, kaikhali krushtungli khāngkāra kala kaikhali synagogueli lijei eina ngaphitra kala athumli nathumna keinung akhawui eina keinung akhali rekharekra,

MATTHEW 6:25

“Chiwui vang eina ina nathumli kahāngna, nathumna ringkhavai khizā, khimangra, lah phasāwui vang khi ngavaira kajiwui vang malungmaringalu. Mirinna kashakazāli kala phasāna kashankachonli mamataimeimalā?

MATTHEW 6:27

Nathumwui ngachaili khipāna malungringhaoda awui mirin angaritli khuiningkha mataisangshapkhala?

MATTHEW 6:28

“Khiwui vang eina nathumna kashankachonwui vang malungringkhala? Luiwui timrāwonbing kathada haksangkhala da machukyanglu, athum otla masāmana, sakla masāmana.

MATTHEW 6:31

“Chiwui vang eina ‘Ithum khi zāra?’ lah ‘Khi mangra?’ lah ‘Khi ngavairakhala?’ da malungmaringalu.

MATTHEW 6:34

Chiwui vang eina akhamawui vang malungmaringalu, akhamana akhamawui vang malungringhaora. Thangthangwui kakhanang chi thathangwui vang shapranu.

LUKE 12:22

Chieina Jishuna awui sākhangatha̱bingli hānga, “Chiwui vang eina ina nathumli kahāngna, nathumwui mirinli khi zāra, naphasāwui vang khi ngavaira da malung maringalu.