LUKE 11:9 - Kathara Bible (BSI)

⁹ “Chiwui vang eina ina kahāngna; Polu mira, phālu samphangra, shaolu shomira.

LUKE 11:9 Iomraidhean Croise

LAA 118:5

Ina kakhanang tharan Proholi ngakaowa; Prohona ili ngahānkāmi, kala ili ningkhān ngasaka.

LAA 27:4

Prohowui eina ot akha ina pokahai chiya, iwui mirin peida Prohowui shimli pamkhavai, Prohowui khamathā chi yangpam khavai, kala Khorumshimli ali phākhui khavaina.

LAA 27:8

“Ili phalu” da nana hānga. Iningna, “Proho, ina phali” da nali hānga.

LAA 34:10

Kazingkha̱ anaola vāthaida thai; kha Proholi kapha mibing khamathā ot mavātmana.

LAA 34:4

Ina Proholi phāda ana ngahānkāmi, kala khangachee saikorawui eina ili kanshokmi.

LAA 50:15

kala kakhanang atamli ili ngakaolu; Ina nathumli kanshokmira, nathumna ili tekmatei ngasakra.”

SOLOMONWUI LAA 5:6

Iwui leikasheli ina shomi, kha ava thuihairasai. Ana khamatui tharan ining shimānkida sai. Ina ali phai, kha masamphangmana; Ina ali hoi, kha ana mangahānkāmana.

ISAIAH 45:19

Tangkhamangramli, ina ngathumda mamatuimana; ‘Maphākakhuilungli ili phālu’ da Jacobwui ara̱-azāli mahāngmana. Proho iya khamashung tui matui, khamashung chi ina lānmiya.”

JEREMIAH 29:12

Chitharan nathumna ili ngakaora kala ili seihā sāra, kala ina khuisangmira.

JEREMIAH 33:3

“Ili ngakaolu ina ngahānkāra, nathumna makathei thum kahai kachungkha hāngmira.

DANIEL 9:3

Chiwui thili kakhum eina, bora ngavaida kala hotlā teilaga seihā kasā eina ngasoda ina Vare Proholi mai ngareiunga.

MATTHEW 21:22

Nathumna shitsangakha seihā sāda kapopo saikora samphangsera.”

MATTHEW 21:31

Khani hiwui ngachaili kachipāna avāva̱wui ningkachāng sākhala?” “Khararrapana sai” da athumna ngahānkai. Chieina Jishuna athumli hānga, “Ina nathumli kachangkhat kahāngna, khāshinā khalokabing eina khayorva̱ sha̱naobing china nathumli rida Varewui Wungramli zangra.

MATTHEW 6:29

Chithālala ina nathumli kahāngna, Solomon eina tangda chiyākha tekmateida okthuisālala, awon akhawui khamathā thada mangavairarmana.

MARK 11:24

Chiwui vang eina ina nathumli kahāngna seihā kasāli nathumna kapopo chi samphanghaira da shitsanglu, kala chi nathumwui ngasāra.

MARK 13:37

Ina nathumli kahāng hi mi kachiva̱li kahāngna: Rimpamlu!”

LUKE 11:10

Kaja kapo mi kachiva̱li mira, kaphā mi kachiva̱na samphangra kala kashao mi chili shomira.

JOHN 14:13

Kala nathumna iwui ming eina kapopo chi ina sāmira, chieina Avāva̱wui tekhamatei chi Anaomayarawui mangā eina theikhuipaira.

JOHN 15:16

Nathumna ili kapangkakhui maningmana, kha vāda athei mathei khavai kala athei chi mashimān khavai ina nathumli kapangkakhuina kala kachipamna; chieina nathumna iming singda kapo saikora Avāna mira.

JOHN 15:7

Nathumna ili zangda iwui tuila nathumli leiakha, nathumna ningkachāng kapopo chi samphangra.

JOHN 4:10

Jishuna ali ngahānkai, “Nana Varewui lemmet chi theisāsi kaja kala ‘Ili tara̱ khamimanglu’ da kapopa hi khipākhala da theisi kaja nana ali poda ana nali kharinga tara̱ chi mihaira̱ra.”

ROMNAO 2:7

Mi kaikhava kaphā ot sāchingda lei, kathi makhavai kharing phai; athumli Varena katang makhavai kharing mira.

2 CORINTHNAO 6:2

Kaja Varena hānga: “Khuisangmikapai atamli nathumwui tui shāmihaira; huimi khavai zimiksho kharā tharan nathumli ngachonmihaira.” Yanglu, arui khuisangmikapai atamna; arui huikhami zimikshona!

HEBREWNAO 11:6

Shitkasang maleila khipānakha Vareli ningyāng maung ngasakrarmana. Vareli kharā mi chiya Vare lei kala ali kaphā mili sāman mira kaji shitkasang leiphalungra.

HEBREWNAO 4:16

Chiwui vang eina lukhamashan khaleipam Varewui wungpamkhongli chihansa̱ vāsa. Chili ithum lukhamashan samphangra kala ithumna khavāt tharan ngachonmi khavai lukhamashan samphangra.

JAMES 1:5

Kha nathumwui ngachaili kachikathā theithangkhamei vatta leiakha, kakharar maleila mingairareo eina mi saikorali khame Vareli seihā sāranu. Chieina ana mira.

JAMES 5:15

china kakazā mi chili kanmida Prohona ali ngakarthui ngasakra kala ana morei sākahai chila pheomira.

1 JOHN 3:22

Awui kahāng nganāda ali ningyāng ungkhangasakwui vang ithumna kapopo chi awui eina samphanga.

PHONGKHAMI 2:24

Kha Thyatirali khalei kateibing, tamkachithei chi makakhuiabing, kaikhana Satanwui kathuka otbing da kaho chi matheithangkhamabing, nathumli ina kahāngna, nathumwuitungli ina otphun khangatei machiphunmara.