LUKE 11:51 - Kathara Bible (BSI)

⁵¹ Abelwui eina thuilaga Zechariah tāshungda hanphutpam eina tharkhamathengpamwui ngachaili shaothat kahaiwui vang mithot hili kashong rāngra. Mha, ina nathumli kahāngna, athumwui vang mithot hili tandi mira.

LUKE 11:51 Iomraidhean Croise

HAOKAPHOK 4:2

Chiwui thili preiva̱ china agato Abelli pharai. Abelna yaokahom ot sai, kala Cainna luikhavā ot sai.

JEREMIAH 7:28

Kala nana, athumwui Vare Prohowui khon makhanganā yur chi hina, hāngkachitheila makhuisangmana; khamashung shimānhaira. Chiwui pongli khangazek eina tangdala maleiluimana.”

ZECHARIAH 1:1

Dariusna mungda kum kakhanewui kachāng kachishatali Iddowui naomayara Berechiahna kapharā Zechariah marānli Prohowui tui rāhānga.

MATTHEW 23:35

okathuili khayon makhaleibingwui ashee tākahai saikora; chiya khayon makhalei Abelwui ashee eina thuilaga Barachiahwui naomayara Zechariah eina tangda nathumna kathara khorumshim eina hanphutpamwui ngachaili shaokathat saikora nathumwuitungli tāra.

HEBREWNAO 11:4

Abelna Cainli mathāmeida Vareli pha̱kaphayā chigatkashap hi shitkasang mangā einana. Shitkasang mangā eina mi akha sāda ana Varewui mayākhami chi samphanga, khikhalajila awui kachigat chi Varena khuisangmi. Abel thihaisālala awui shitkasang otsak china aruila ithumli matuichingda lei.

HEBREWNAO 12:24

kadhara tuingashitwui tuisak sāme Jishu, kala Abelwui asheeli mataimeida lukhamashan tui khamatuia ikror kahai ashee chili lāngmeida phākhamei ngashitkhami chili rāhaira.

1 JOHN 3:12

Ithum Cain mathāphalungmara, ava makaphā mina, kala agato Abelli shaokathata mina. Khiwui vang Cainna Abelli shaothathaokhala? Ana kasā saikora khayonna kha agatona kasā chiya khamashungmānga.