LUKE 11:49 - Kathara Bible (BSI)

⁴⁹ Chiwui vang eina Varewui thangmei china hānga, ‘Ina marānbing eina paokazatbing athumwuili shivātvāra, athumna kaikhali shaothatra kala kaikhali rekharekra.’

LUKE 11:49 Iomraidhean Croise

JEREMIAH 7:25

Nashāvā ngarāna Egypt ngaleiwui eina shokthang eina thuilaga aja eina tangda, iwui rao marānbingli machatlakla thangkachida chihovai;

MATTHEW 22:6

khangatei raobing kaikhali athumna tukkhuilaga zakshilāk eina shaomi kala sāthathaowa.

LUKE 11:48

Chieina nathum hiya navā ngarāwui otsak chili khamayābing kala shākhi khamibingna. Kaja athumna shaothata kala nathumna chikhur sāmi.

LUKE 24:47

Kala awui ming singda nathumna Jerusalem eina thuida miyur saikorali ningngateida morei pheokhavai pao hāshokra.

JOHN 16:2

Athumna nathumli synagoguewui eina kashamshokra; makahatla nathumli shaokathata china awui otsak chi Vareli otram khangatha̱na da kaphaning atam rāra.

OTSAK 1:8

Kha Manglā Kathara chi nathumwuitungli tāshungkhami tharan, nathumna pangshap samphanglākra. Cheina nathumna Jerusalemlila, Judea ngalei katongalila, Samarialila kala okathuiwui akatanga vāshungda iwui vang shākhi sāra.”

OTSAK 11:27

Atam chitharan marānbingna Jerusalemwui eina Antiochli vai.

OTSAK 22:20

Nawui vang shākhi kasaa Stephenli shaokathat tharan ila mayāda ali shaokathatbing chiwui kashankachon mayonmida chiwui ngalemli nganingsai.

OTSAK 7:57

Hi kashā eina athumna athumwui khanā kafakhamhailaga panglāk eina vaoda ali ayongrora,

OTSAK 8:3

Kha Saulna church hi shimān khavai sāda shim shimli zanglaga shitkasanga mayarnaolila, sha̱naolila shimenshokta phātopli vāsanga.

1 CORINTHNAO 1:24

Kha Varena hokhui kahaibingwui vanga Jihudilala, Gentilelala chānpao chi Khrista, Varewui pangshap kala Varewui thangkhamei china.

1 CORINTHNAO 1:30

Varena nathumli Khrista Jishuli ngarum khavai hokhuihaira kala Varena Khrista chi ithumwui thangmei sāngasakhaira. Awui mangā eina ithumli mashungmihaira; ithum Varewui kathara miyur ngasāhaira kala moreiwui eina ningkhān ngasakhaira.

EPHESIANAO 4:11

Kala “Mikumoli lemmet khame” chi ana. Ana kaikhali paokazata, kaikhali marān, kaikhali evangelist, khangatei kaikhali yaokahoma kala ojā sāngasaka.

COLOSSIANAO 2:3

Khrista hi Varewui thangkhamei kala aworwui thumkahai lan saikora shokhavai shona.

PHONGKHAMI 16:6

Mibingna katharabing eina marānbingwui ashee heitai. Chieina ara athumli ashee mangkhavai nana mihaira. Athumna samphangkhangayi chi samkaphangna.”

PHONGKHAMI 18:20

Awui kashimānwui vang mathānlu, He Kazingram! Mathānlu, He katharabing, paokazatbing, marānbing! Nathumwui vang Varena ali mashun bichar sāmihaira!