LUKE 11:42 - Kathara Bible (BSI)

⁴² Kha Phariseebing, nathum kakhanang ringkashi ngasāranu, kaja nathumna suirihan, sāchikom kala hanthothāpwui tithe milaga mashunkasā eina Varewui leikashiliva mahengsangmana; kha khangatateibingla mayansānghaila hibing hi nathum sāphalungki kajina.

LUKE 11:42 Iomraidhean Croise

NEHEMIAH 10:37

dharreowui mathir, ithumwui vāk, ithumwui atheirongli khamathei atheiyur, drakhāra̱ kala thao, pāngmonbingwuili kala ithum Varewui shimli khalei kābing chili khuirā ngaroksa da mayā ngaroka; kala ithum ngaleiwui eina samkaphang tithe Levinaobingli khuivāmira, kaja ithumwui kha̱ saikorawui eina Levinaobingna tithe kazipkhuimi.

CHĀNSAM 21:3

Pha̱kaphayāle khamashung khangarong eina mashun kasā Prohona khuisangngaimei.

HĀSHOKME 7:18

Hi singtit kahai phai, kala napāng machiholakalu; kaja chiwui eina Vareli khangachee mi shokra.

MICAH 6:8

O mikumo, kaphā chi khikhala; kaji Prohona chitheimihaira kala Prohona nawui eina khi ningkachāngkhala kaji chiya mashun eina kasā, lukhamashanli kakahao, kala ningmazingda Vareli ngasokazat maningmala?

MALACHI 1:6

“Naomayarana avāva̱li khayāshi, kala raona akhavāli khayāshi. Chithākha, I avāva̱ akhana jilaga ili khayākashi kali leili? Kala I akhavā akhana jiakha ili khangachee kali leikhala? da saikorawui Prohona awui mingli yangkakharinga, pāngmonbing, nathumli kahāngna. Nathumna hānga, Ithumna nawui mingli kathāda yangkharinghaokhala?

MALACHI 2:17

Nathumwui tuina Proholi ningrāk ngasakhaira. Laga nathumna, “Ithumna ali kathāda ningrāk ngasakhaokhala?” ji. “Makaphākasā mi kachiva̱ Prohowui miktāli phāya, kala ana chili ningyāng unga” da kahāng eina, lah “Mashunwui Vare kali leikhala?” da kahāng einana.

MALACHI 3:8

Mikumona Vareli ngaponpaila? Kha nathumna ili ngaponkhuida lei. Laga nathumna ithumna nawui eina kathāda ngaponkhuikhala? ji. Nathumwui tithe kala kachigat khamilina.

MATTHEW 23:13

“Ain kathemabing eina Phariseebing, phākakhaningabing! Nathumli kakhanang ringkashi ngasāranu, khikhalajila nathumna kazing wungramli zangki kajibingli shungnamda lei, kala nathum khalattala mazang lah zangki kajebingla mazang ngasakmana.

MATTHEW 23:23

“Ain kathemabing eina Phariseebing, phākakhaningabing! Nathumli kakhanang ringkashi ngasāranu, khikhalajila nathumna suirihan, shomri kala sāchikom hikathāthāwui tithe mi, kha ritkhameiya ainwui apong, mashun, lukhamashan kala shitkasang hikathāthāva mamayonmana; nathum hi sahairarāna, kateibing chila masāmara majipaimana.

MATTHEW 23:27

“Ain kathembing eina Phariseebing! phākakhaningabing! Nathumli kakhanang ringkashi ngasāranu; khikhalajila nathum hi teimachar kahai chikhurbing kathāna. Chiwui vang eina ayarli mathālak eina thei, kha alungliya kathibingwui ara̱kui eina makatharna pemting kahaina.

LUKE 18:12

Ina haptākhali khanishida khuma, kala samkaphang saikorawui tithebing michinga.’

JOHN 5:42

Kha nathumwui wuklungli Varewui leikashi maleimana kaji ina thei.

1 JOHN 4:20

Kachikathāna “I Vareli leishi” jilaga avānaoli yangkharingakha a kakapikna, kaja ana mik eina kathei achināli maleishiakha, mik eina makathei Vareli maleishirarmana.

1 SAMUEL 15:22

Kala Samuelna hānga, “Prohowui kahāng khanganāli lāngmeida rikkata kachigat kala phākaphayāli Prohona ningyāng ungmeihaola? Yanglu, pha̱kaphayāli kahāng khanganā phamei, kala asā kakā yaovāle awui tui khuikasang phamei.