LUKE 11:41 - Kathara Bible (BSI)

⁴¹ Kha alungli khalei chi kachāmabingli milu, chithākha nathumwui vang ot saikora thara.

LUKE 11:41 Iomraidhean Croise

LAA 112:9

Ana khalem eina yaowa, ana kachāmabingli mi; awui khamashung khangarong leichinga, awui pangshapli maiyāda masot mira.

LAA 41:1

Kachāmbingli phaningkhamibingli sokhami ngasāranu! Kakhanang atamli Prohona athumli khāngshokmi.

CHĀNSAM 14:31

Kachāmali kachipata mi china awui Kasā akhavāli zeikakharuina, kha mili lukhamashan chi ali khayākashina.

CHĀNSAM 16:6

Khayākashi kala ningkatong eina morei pheomi, kala Proholi khangacheewui vang mina makaphā masāmana.

CHĀNSAM 19:17

Kachāmali lumashankhami chi Proholi kachishutna, kala awui kaphā sākahai chiwui sāman Prohona runmira.

DANIEL 4:27

Chiwui vang eina O awunga, iwui kahāng hi khuisangmilu; morei ot horhaida kathar pongli zanglu, khalāng ot chihohaida khangazanbingli lumashanmilu, chingri eina sāngmeida okthui khavaina.”

MATTHEW 26:11

Kachāmabingli nathum ngasopamchingfara kha nathum ili mangasopamchingmara.

MATTHEW 5:42

Nali kapo mi chili milu kala nawui eina shukka kaje chili chishutlu.”

MARK 7:19

Khikhalajila chi wuklungli kazang maningla paiphonli kazangna kala chi ayarli shokpapamhaowa.” (hiya kashakazā katonga thara da phongkhamina.)

LUKE 12:33

Nathumwui khalalei lan yorhaolu kala kathai-kachāmbingli milu; nathum khalatta kakān makhavai pheisākhao sākhuilu kala nathumwui lan chi kakānla mavailuiki kaji kazingramli phārihailu. Chili khalenala maleethuirarmara kala magungnala mazāmara,

LUKE 16:9

Kala ina nathumli kahāngna, “Nathum khalatta makathar okathuiwui lan eina ngasotnao phākhui, chithākha lan chi shimān kahai tharan athumna nathumli makashimānpamli zangngasakra.

LUKE 18:22

Jishuna chi kashā eina ali hānga, “Nawui khavāt akha leifaya. Nawui khalalei saikora yorhailaga kachāmnaoli yaohaolu, chithākha kazingramli nawui lan leira, laga rālu, ithi shurlu.”

LUKE 19:8

Zacchaeusna nganingkāda Proholi hānga, “Nganāmilu, Ojā! Iwui khalalei lan ngakaipakta kachāmabingli mira, kala ina kachikathā akhali kateizāhaisaakha akhum mati mataida ali hanmira.”

OTSAK 10:15

Kha akhon china hāngluishita, “Varena tharngasak kahai hili nana khamakhaoana majipaimara.”

OTSAK 11:29

Chieina sākhangatha̱bingna Judeali khalei shitkasang khangarumbing chili khangachon chihovā khavai mi kachiva̱na kachichāwui mikashap athishurda mingaroksa da ngazeka;

OTSAK 24:17

“Zingkum kashānglaga ina iwui yurli khangachon kala kachigat mikhavai vai.

2 CORINTHNAO 8:12

Kachichawui khalei chi mingairareo miakha Varenala khuisangmira; makhalei chi milu majimana.

EPHESIANAO 4:28

Khalena maleeluila khamashung ot sāphokta awui ringkhavai kala kachāmbingli ngachonmi khavai pharānu.

TITUS 1:15

Katharabingwui vanga ot saikora tharsera. Kha khamakhao mashitkasangbingwui vanga khikhala kathar maleimana. Kaja awui ning kala mashun-makhui hi makhaoserhaowa.

HEBREWNAO 13:16

Akha eina akha kaphā sāda ngachon khangarok mamalaialu, hikathā hi Vareli ningyāng ungkhangasaka pha̱kaphayāna.

HEBREWNAO 6:10

Vareva mashun bichar sākhamena. Chiwui vang eina nathumna sāmi kahai otsak lah katharabingli ngachonkhami eina nathumna ali leikashi chithei kahai kala aruila athumli ngachonmida khalei chi ana mamalaimara.

JAMES 1:27

Varivara kala Avāva̱wui mangāli kashenga kala khamakhao makhalei dharma chi: marānao eina ra̱meinaowui kakhanangli yangkhami kala okathuiwui khamakhaoli makazang hina.