LUKE 11:40 - Kathara Bible (BSI)

⁴⁰ Mangkhama̱bing! ayar kasaa china alungla kasā maningmalā?

LUKE 11:40 Iomraidhean Croise

HAOKAPHOK 1:26

Chiwui thili Varena hānga, “Ithumwui sakrin khuida ithumli ngaraikachā mi sākhuisa; kala shamadruli khalei khaihyur, kazingli yongkazata vānao, sha̱kei kala okathuiwui ngaleitungli ngarikazata saikorawuitungli athumna mungranu.”

HAOKAPHOK 2:7

Chiwui thili Proho Varena ngaleiwui chifa eina mi sākhui, kala nātangkhurli kharingwui khakkhā suisangmi; chieina mi chi kharinga ngasāhaowa.

LAA 14:1

Mangkhama̱ china awui ningli “Vare maleimana” da hānga. Athum chiya kateikazā, ningkakachai ot kasābingmangā. kapha kasa akhala maleimana.

LAA 33:15

mibingwui ning sangkhame ana, kala saikorawui otsak theisera.

CHĀNSAM 1:22

“O ningkashambing, nathum karankha ningshamfarakhala? Mashātkatheibingna karankha khamashātli mathanra̱ kala mangkhama̱bingna aworli ningkachaira?

CHĀNSAM 8:5

O ningkashambing, thangkhamei tamlu; O mangkhama̱bing, nganātitkhuilu.

JEREMIAH 5:21

“Mangkhama̱, ning makazanga mibing, hi nganākhuilu, mik kālala makatheibing, khanā kālala makashābing.

ZECHARIAH 12:1

Israelwui pongli Prohona kahāngna: Kazingram phayaikashoka, okathui rungkhame kala mili manglā semsangkhame Prohona hithāda hānga:

MISHĀN 16:22

Anina mai mashunzangda hānga, “O Vare, manglākapai saikorawui Vare, mi akhana morei kasāwui vang yarui ashangva̱li malungvātrala?”

MATTHEW 23:17

Nathum khangapeoa mangkhama̱bing! Sināna mataimeikā, sināli tharkhangasaka khorumshim mataimeikhala?

MATTHEW 23:26

Mik khangapeo Phariseebing! Rida tengkot eina khongpheiwui alung chi pheomathāhaifalu. Chithākha ayarla tharpaira.

LUKE 12:20

Kha Varena ali hānga, ‘Mangkhama̱a! Arui ngayā nawui manglā khuithuihaora’ chithākha ana kazip kahai lan saikora chi khipāwui ngasārakhala?”

LUKE 24:25

Chieina Jishuna anili hānga, “O mangkhama̱ khani! Marānbingna hāngkahai saikora chili mashitkasang!

1 CORINTHNAO 15:36

He mangkhama̱! Nana khaling atha chi mathiakha makharshokmana.

HEBREWNAO 12:9

Okathui avāva̱ ngarāwuishong jiakha athumna ithumli machina kala ithumna athumli khayāshi. Chithākha Manglāwui avāva̱li kayākha sakmeida khayākashi eina ngasoda ringrakhala?