LUKE 11:4 - Kathara Bible (BSI)

⁴ kala ithumli ithumwui morei pheomilu; khikhalajila ithumli khayon kasā mi kachiva̱li ithumna pheomi; kala ithumli kasuili mathānzangmialu.’”

LUKE 11:4 Iomraidhean Croise

HAOKAPHOK 48:16

Ili makaphā saikorawui eina ngatangkhame, kazingrao china nao khanili somilu; kala aniwuitungli iwui, kala ishāvā ngarā Abraham, Isaacwui ming leichingranu; kala okathuili mataisangda, kachungkha ngasāranu.”

1 WUNGNAOBING 8:34

nana kazingramli shāmida, nawui mi Israelwui morei kapheomilu, kala ishāvā ngarāli nana mikahai ngalei chili kathānungmiluilu.

1 WUNGNAOBING 8:36

kazingramli nana shāmilu, kala athumna zatkhangayi shongfa, athumli tamchitheimida narao kala nawui mibingwui morei kapheomilu; nawui mibingli nana shimlui sāda mikahai ngalei chili kazing kharotāmilu.

LAA 121:7

Prohona makaphā saikorawui eina mayonmira, ana nawui mirin mayonmira.

LAA 25:11

O Proho, namingwui vang eina iwui khayonkhamāng kapheomilu, kaja hi haklakhaowa.

LAA 25:18

Iwui kakhanang eina kachotkachāng hi kaphāningmilu; kala iwui morei saikora kapheomilu.

DANIEL 9:19

O Proho, nganāmilu; O Proho, pheomilu; O Proho, katheimilu; mahuinahaialu, namingwui vang, O iwui Vare, kaja keinung kala mibing hi nawuina.”

HOSEA 14:2

Nawui tui khuiphunglaga Proholi latungda ali hānglu, “Khayon-khamāng khuithuiserhaolu, kaphā chi khuimilu, kala ithumwui morchaiwui athei che ithumna phungra.

MATTHEW 18:35

Chithada sāda nathumna nachinā ngarāwui khayon khamāng chi wuklung eina mapheomiakha kazingramli khaleia iwui Avā chinala nathum kachiva̱li chithada sāra.”

MATTHEW 26:41

Ngasharlu, mapihailu, kala nathum kasuili matāzang khavai seihā sālu; manglāva sāngaikachangkhata, kha asāna ngazanhaowa.”

LUKE 11:5

Jishuna athumli hānglui, “Chānjam sāda nathumwui ngachaili mi akhana awui ngasotawui shimli ngayāsailung vālaga, itao, khamui kathum khamisālu:

LUKE 13:4

Lha Siloamli dolanshim tektāda tākthat kahai mi tharāda chishat chi aja Jerusalemli panda khalei mibingli yonmeikhara da nathum phaninglā?

LUKE 22:46

Chieina ana athumli hānga, “Khisāda nathum pihaokhala? Ngakarthuilu kala kasuili matāzang khavai seihā sālu.”

LUKE 8:13

Ngalei tarākha makhalei lungguina pemting kahai apamli tākazang athābing chi tui chi kashā eina mathānthathup khuisanga; kha angayung maleithuda athumna kasha̱nakhawui vang shitsanglala kasui kharā tharan yāmhaowa.

JOHN 17:15

Athumli okathuiwui eina khuithui khavai kapo maningmana, kha athumli makaphāwui eina mayonmi khavai kapona.

1 CORINTHNAO 10:13

Nathumna chāng khayang samkaphang kachiva̱ chi mikumoli kharā khangachāna. Kha Varena awui ngashitkhami chi makailakmana kala nathumna maphungrarki kaji chili lāngda ana nathumli chāng mayang ngasakmana. Nathumli chāng khayang chitharan khāngshap khavai ana nathumli pangshap mira kala chili yuishap khavai apong ngarānmira.

COLOSSIANAO 3:13

Nathum akha eina akha ya jimi ngaroklu. Khristana pheokhami thada nathum akha eina akha pheomi ngarokphalungra.

2 THESSALONICANAO 3:3

Kha Proho hiya ningtongda shitsangkapaiana. Ana nathumli pangshap mida makaphāwui eina mayonmira.

2 TIMOTHY 4:18

Prohona makaphā kachiva̱wui eina kanshokmida awui zingwungramli thānzangmira. Ishamei ali mashimānda tekmateichingranu. Amen.

JAMES 2:13

Kaja bichar kasā tharan lumashanmi kahai makhaleia ā chili Varena malumashanmimara, kha bicharliva lukhamashana yui.

PHONGKHAMI 2:10

Nathum khanangki kaji khikhikhawui vang mangangalu. Yanglu nathumli chāng tamyang khavai chipeena kaikhali phātop sangra; kala tharāthangwui vang kakhanang samphangra. Kathi eina tangda ili shitsangmalu; Ina kharingawui kuihon mira.

PHONGKHAMI 3:10

khikhalajila nana iwui tui mayontit kahaiwui vang okathuili okthuida khalei mi saikorali chāng yangkhavai apuk-apagawuitungli rāki kaji kachotkachāng chiwui eina ina nali kanmira.