LUKE 11:39 - Kathara Bible (BSI)

³⁹ Chieina Prohona ali hānga, “Arui nathum Phariseebingna tengkot eina khongpheiwui ayar pheokhaninga, kha nawui alungliva kākharām kala makaphā-makhayāna pemtinghai.

LUKE 11:39 Iomraidhean Croise

HAOKAPHOK 6:5

Okathui alungli mikumowui makaphā sorngasai kahai kala makaphāmāng chukkhamaja katang makhavai chi Prohona thei.

2 THOTRINCHĀN 25:2

Prohowui miktāli ana khamashung ot chi sai, kha ning tharchao majimana.

LAA 22:13

Kathai kala khangang kapama kazingkha̱ thāda athumna ili khamor makāchithei.

CHĀNSAM 26:23

Makaphā ningwui tāngpat kahai morchai ngaleiham ashamli ari neokahai thai.

CHĀNSAM 26:25

Ana leishilak eina kahāng tharan ali mashitsangalu, kaja awui ningli ningkakachai shini lei;

CHĀNSAM 30:12

Khalattava tharzārihaiya da khuihailaga, athumwui thuikhanāmva masākhamathā mi lei.

JEREMIAH 4:14

O Jerusalem, nali huimi khavai makhayāwui eina wuklung pheomathālu. Karankha makaphā ning nawui wuklungli leifarakhala?

EZEKIEL 22:25

Awui wungnaobinga, kazingkha̱na nirmamānda sā kashai thāda, athumwui mibingwui manglā shaimihaira; athumna aman kasasaka otla lanla ngapaikhuihaira; athumna kachungkhali ra̱mei ngasakhaira.

EZEKIEL 22:27

Awui alungli khalei wungnaobing, khara̱ngna sā makeikakhanār thāda, ashee tāngasaka, makhamashung apong eina tongkhavai manglā sāshimāna.

ZEPHANIAH 3:3

Awui otva̱bing kakhanganga kazingkha̱na; awui bicharwobing ngathorshongwui vang khikha mataikakhuia ngazinshongwui ramfana.

MATTHEW 15:19

Kaja wuklungwui eina makaphā kaphaning: shaokathat, phokaphā, shāmkasā, khaleekasa̱, makhamashung shākhi khami kala khamashāt shoka.

MATTHEW 7:15

“Minama marānbingli ngasharlu, athumna yaohui ngavaikhaninglaga rai, kha alungle athum sākakathān ramfa kathāna.

LUKE 16:15

Kha ana athumli hānga, “Mibingwui miktāli nathum khalatta mashungkhui khavai sāzata, kha Varena nathumwui wuklung theisera, kaja mibingwui miktāli khamathāna da kakhui hiya Varewui miktāli ningkakachaiya otna.

LUKE 7:13

Prohona ali kathei eina lumashanhaida “Machapalu” da hānga.

LUKE 7:19

Chieina Johnna awui sākhangatha̱ khani hokhuilaga Proholi chihovāda “Raki kaje chi nakā, khangatei akhali honfarakhala?” da angahān ngasaka.

JOHN 12:6

Ana kahāng hi lukhamashanwui vang maningmana, kha a khalena, ana lupākhao kasinga sāda awuili ungkazang chi ngathumda khuichinga.

JOHN 13:2

Kala ngazin phazātwui atamli, Jishuli yorza khavai Simon Iscariotwui naomayara Judaswui wuklungli chipee zangkahai tharan,

OTSAK 5:3

Chiwui thili Peterna hānga, “Ananias, kathada nana chipeewui tui khuilaga Manglā Katharali kapikta lam khayorwui aman ngayarda thumhaokhala?

GALATIANAO 1:14

Dharmawui pongli iwui tholabingwui ngachaili ina ningsangmeikapta awo-ayiwui khangachā chili phaningsai.

2 TIMOTHY 3:5

Athumna akorli phārekta dharmarinwui otsak sālaga kachangkhat chiwui pangshapliva makhuisangmara.

TITUS 1:15

Katharabingwui vanga ot saikora tharsera. Kha khamakhao mashitkasangbingwui vanga khikhala kathar maleimana. Kaja awui ning kala mashun-makhui hi makhaoserhaowa.

JAMES 4:8

Vareli nganailu, chithākha ana nathumli rānganaimira. Morei kaphungabing, nathumwui pāng maziklu. Phākakhaningbing, nathumwui wuklung tharngasaklu.